• USD 389.52
  • EUR 429.21
  • RUB 6.07
  • CNY 54.94
29 Aqpan, 15:38:31
Shyńjańdyq dúngen: Dereý qazaqtardan keshirim surańdar! (aýdıo)

08 Aqpan, 2020 NEWS

Toqaev Qordaıdaǵy jaǵdaıǵa baılanysty Aqordada shuǵyl jıyn ótkizdi (vıdeo)

akorda.kz

Prezıdent Jambyl oblysy Qordaı aýdanyndaǵy qazaq-dúngen qaqtyǵysyna baılanysty Aqordada shuǵyl jıyn ótkizdi. Ol oqıǵaǵa qatysty úkimet komıssııasy qurylatynyn málim etti. 

"Qurmetti qazaqstandyqtar! Búgin túnde Jambyl oblysy Qordaı aýdanynda jergilikti turǵyndar arasynda jappaı tóbeles, janjal boldy. Bul ahýaldy arandatýshylar óz maqsatyna paıdalandy. О́kinishke qaraı, bul oqıǵa kezinde adam shyǵyny boldy", - dedi prezıdent. 

Sonymen qatar Toqaev qaza bolǵandardyń otbasy men týystaryna kóńil aıtty. 

"Men qaza bolǵan azamattardyń otbasylaryna kóńil aıtamyn. Zardap shekkenderdiń tezirek saýyǵyp ketýine tilektespin.

Qazir polısııa men Ulttyq ulan bul jaǵdaıdy baqylaýǵa aldy. Osyǵan oraı, men Úkimet komıssııasyn qurýdy tapsyrdym. Oǵan Premer-Mınıstrdiń orynbasary Berdibek Mashbekuly Saparbaev tóraǵalyq etedi. Úkimet komıssııasy bolǵan oqıǵanyń sebebin anyqtaıdy.
Jambyl oblysy ákimimen birlesip, qaza bolǵandardy jerleý, zardap shekkenderge kómektesý jumystaryn uıymdastyrady. Sondaı-aq, jaǵdaıdy turaqtandyrýmen aınalysady. Qoǵamdyq tártipti buzǵandar anyqtalyp, qatań jaýapqa tartylatyn bolady. Bas prokýratýraǵa, Ulttyq qaýipsizdik komıtetine tıisti tapsyrma berdim. Memleketimizdiń múddesine zııan keltiretin, bereke-birligimizdi buzatyn jáne jalǵan aqparat taratqan azamattar zań aldynda jaýap beredi", - dep málimdedi Qasym-Jomart Toqaev. 

Jıyn kezinde prezıdent bul oqıǵany óz paıdasyna asyratyn arandatýshylar qatań jazalanatynyn aıttyp, eskertý jasady. 

"Qadirli otandastar! Beıbitshilik pen qoǵamdyq kelisim – bizdiń memleketimizdiń berik negizi. Halqymyz qıyn-qystaý zamandarda óziniń birtutastyǵyn saqtap qalǵan. Sondyqtan, biz keıbir azamattarǵa, sonyń ishinde arandatýshylarǵa elimizdiń basty qundylyǵyn – yntymaq-birligimizdi buzýǵa jol bermeımiz.
Bul elimizdegi barsha azamattarǵa ortaq tilek dep sanaımyn. Azamattardy jalǵan qaýesetterge boı aldyrmaýǵa, qoǵamdyq qaýipsizdikti qamtamasyz etý jumysynda quqyq qorǵaý organdaryna kómek berýge shaqyramyn. Memlekettik organdar týyndaǵan máselelerdi sheshý úshin barlyq qajetti sharalardy qabyldaıdy", - dep sózin aıaqtady Toqaev. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir