08 Aqpan, 2020 NEWS
qamshy.kz
Qordaı aýdany Masanchı aýylyndǵy oqıǵaǵa baılanysty Jambyl oblysy Polısııa departamentiniń Tergeý basqarmasy Qazaqstan Respýblıkasy Qylmystyq kodeksiniń 293-baby boıynsha sotqa deıingi tergeýdi bastady. Bul týraly 24.kz jańalyqtar qyzmeti habarlaıdy.
«Qaqtyǵysty bastaýshylar men qatysýshylar anyqtalýda. Jambyl oblysynyń Polısııa departamenti azamattardan tek resmı aqparatqa senýdi jáne qaýeset pen jalǵan habarlamalardy taratpaýdy suraıdy. Jalǵan aqparatty, onyń ishinde áleýmettik jeliler men messendjerler arqyly taratqany úshin qylmystyq jaýapkershilik qarastyrylǵanyn eskertemiz», - dep málimdedi oblystyq Polısııa departamentiniń baspasóz qyzmeti.
Eske sala ketsek, áleýmettik jelide Jambyl oblysy Qordaı aýdanynda dúngen ultynyń azamattary 80 jastaǵy qazaq qarııasy men onyń eki balasyn armatýramen, balǵamen uryp, basyn jarǵany týraly aqparat tarap, eki ult arasynda úlken janjal shyǵady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir