Koronavırýstan 1 táýlikte 88 adam kóz jumdy

Koronavırýstyń jańa túrinen qaıtys bolǵandar sany búgingi aqparattar boıynsha 724 adamǵa jetti, 34 myń adam vırýsty juqtyrǵan, 2050 adam saýyǵyp shyqty. Bul týraly South China Morning Post  habarlaıdy.

Osylaısha qurban bolǵandardyń sany táýligine 88 adamǵa artty. Bir kún buryn resmı túrde 636 adamnyń qaıtys bolǵany jáne 31 myń pasıent aýrýhanada jatqany málim bolǵan.

Kóz jumǵandar men vırýsty juqtyrǵandardyń kóbi "2019 NCoV" koronavırýsynyń taralý oshaǵy Ýhanda (Hýbeı provınsııasy) tirkelgen. Qytaıdyń basqa provınsııalarynda taǵy birneshe adam qaıtys boldy.