• USD 468.56

  • EUR 497.56

  • RUB 7.3

  • CNY 67.18

28 Naýryz, 21:21:26
Almaty
+35°

Turǵyndar arasynda jappaı tóbelesti boldy delingen Qordaı aýdany Masachı aýylyna baratyn joldy polısııa men omandar jaýyp tur. Masachıǵa 40 shaqyrymdaı jerdegi Qarasý aýylynyń kireberisine blok post qoıylǵan. Bul týraly oqıǵa ornynda júrgen Qamshy tilshisi habarlady.

a

Uıaly baılanys nashar. Internetke kirý múmkindigi joq.

Qarasý aýylynyń kireberisinde 500-deı adam júr. Olardyń deni jastar. Arasynda eresekter de bar. Olar polısııa qyzmetkerlerinen Masachı aýylyna baratyn joldy ashýdy talap etip jatyr. 

Polısııa Masachıǵa qaraı adamdardy ótkizbeı jatqanymen, ol jaqtan shyǵyp jatqan kólikter kóp. Qamshy tilshisi Qarasý aýylynyń kireberisine qoıylǵan blok postan Qordaıǵa qaraı keminde bes jedel járdem kóligi shyqqanyn kórgen. Masachıǵa baratyn joldy ashýdy talap etip otyrǵan azamattar jedel járdem kólikteriniń jolyn bógep, ishinde kimniń baryn kórsetýin talap etti. Alaıda oǵan polısııa qyzmetkerleri múmkindik bermeı, jedel járdem kóligin qalyń adam nópiriniń arasynan shyǵaryp jiberdi.

Qamshy tilshisi Qarasý aýylyndaǵy  polısııa men arnaıy jasaq bógetinen ótip, Masanshy aýylyna bara jatyr. Oqıǵa barysy aldaǵy ýaqytta habarlanady.

Buǵan deıin áleýmettik jelide Jambyl oblysy Qordaı aýdanynda dúngen ultynyń azamattary "80 jastaǵy qazaq qarııa men onyń eki balasyn armatýramen, balǵamen uryp, basyn jarǵany" týraly aqparat taraǵan. Áleýmettik jelide taraǵan vıdeolardyń birinde polısııa ókilderi men azamattar arasynda qaqtyǵys bolyp jatqany baıqaldy.

Oqıǵa týraly prezıdent Qasym-Jomart Toqaev týıtterde "Jambyl oblysy Qordaı aýdanynda buzaqylyq sıpattaǵy jappaı tóbeles boldy. Ony arandatýshylar óz paıdasyna qoldanbaq bolǵan. Polısııa jaǵdaıdy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady" dep jazdy.

Jambyl oblysy polısııa departamentiniń baspasóz qyzmeti "Jambyl oblysy Polısııa departamentiniń Tergeý basqarmasy Qazaqstan Respýblıkasy Qylmystyq kodeksiniń 293-baby (buzaqylyq) boıynsha sotqa deıingi tergeýdi bastady. Qaqtyǵysty bastaýshylar men qatysýshylar anyqtalýda. Jambyl oblysynyń polısııa departamenti azamattardan tek resmı aqparatqa senýdi jáne qaýesetter men jalǵan habarlamalardy taratpaýdy suraıdy. Jalǵan aqparatty, onyń ishinde áleýmettik jeliler men messendjerler arqyly taratqany úshin qylmystyq jaýapkershilik qarastyrylatynyn eskertemiz" degen habarlama taratty.

Mııat Káshibaı

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi
Ilmek sózder: qazaq-dúngen janjaly

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir