"Osyndaı jaıttarda qazaqtardy jyǵyp berý ádetke aınalǵan"

Belgili jýrnalıst Marat Toqashbaev facebook-tegi paraqshasynda Qordaıdaǵy qazaq-dúngen janjaly týraly pikir bildirip, mundaı etnosaralyq qaqtyǵystardy sheshýdiń jolyn usyndy.

"Qordaıdaǵy qazaq-duńǵan janjaly elimizdegi ultaralyq saıasatta jiberilgen qatelikterdiń kezekti bir kórinisi. Bul – basynýshylyq! Bul mensinbeýshilik! Bizge ne isteı qoıady degen erkinsýshilik! Qazir qanymyz qyzyp otyr. Endi ultaralyq saıasatta kúrdeli ózgerister bolmasa, bılik bul baǵytta burynǵy kóz jumýshylyǵyn jalǵastyra beretin bolsa qazaq halqy bul jerge kim ıe ekendigin ózi dáleldeýge májbúr.

Qazaq jerine taǵdyrdyń túrli jaǵdaıymen kelgen túrli ult ókilderi men jergilikti ult – qazaqtardyń arasynda sońǵy jıyrmashaqty jylda ondaǵan qaqtyǵystar oryn aldy. Qazaq-túrik, qazaq-tájik, qazaq-uıǵyr, qazaq-cheshen, t.b. Osynyń basty sebebi – memleket quraýshy qazaq halqynyń quqyǵy esh jerde qorǵalmaýynda. Kez kelgen osyndaı jaıttarda qazaqtardy jyǵyp berý ádetke aınalǵan. Sodan baryp kelimsekter qazaqtardy basynady. Al qazaqtar óz quqyǵyn ózi judyryqpen qorǵaýǵa májbúr.

Muny toqtatýdyń joly qandaı?

Muny toqtatýdyń joly – qazaq halqynyń memleket quraýshy ult ekendigin Konstıtýsııa arqyly moıyndaý jáne basqalarǵa moıyndatý. Qazaqstanda turatyn dıasporalar taǵdyryn qazaq memlekettiligi men memlekettik tilge negizdelgen zańdyq tártibi ǵana sheshýge tıis!

Qazaq eliniń zańy men tártibin moıyndamaǵan ult dıasporalarynyń ókilderin azamattyqtan shyǵaryp, Qazaqstannan 24 saǵatta qýý qajet!" delingen jýrnalıst jazbasynda.