nur.kz
Vıse-premer Berdibek Saparbaev mádenıet jáne sport mınıstrligi basshylyǵymen ótken kezdesýde týrızm ındýstrııasyn damytý úshin áli de iske asyrylmaǵan mańyzdy baǵyttardy atap ótti, dep habarlady premer-mınıstrdiń resmı saıty.
– Qazaqstan ishki týrızmdi damytý úshin de, shetel qonaqtaryn qabyldaý úshin de úlken múmkindikke ıe. Bizdiń keń aýmaǵymyz, tarıhı jáne mádenı muramyz, teńdesiz tabıǵatymyz bar. Alaıda biz qolda bar múmkindikti tolyq paıdalana almaı otyrmyz. Negizgi másele – týrızm salasyna strategııalyq ınvestorlardy tartý. "Kazakh Tourism" kompanııasyn arnaıy qurdyq. Berilgen ýáde kóp, jetken nátıje joq, – dedi ol.
Ol mınıstrlik týrızmdi damytýǵa laıyqty óńirlermen tyǵyz jumys jasaýy kerektigin aıtty.
– Elimizdiń turǵyny kóp aımaqtarda memleket tarapynan is-sharalar ótkizilip turýy qajet. Jyl saıyn búkil elde jańa sport keshenderi jáne mádenı nysandar salynady. Alaıda bul mekemeler keshki ýaqyttarda jáne demalys kúnderi bos turady. Árıne, bul – óte tıimsiz. Bos ýaqytynda balalar túrli úıirmelerge, seksııalarǵa, kitaphanalarǵa, teatrlarǵa jáne basqa obektilerge aqysyz nemese tıimdi sharttarda qatysa alýy kerek, – dedi Berdibek Saparbaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir