• USD 389.52
  • EUR 429.21
  • RUB 6.07
  • CNY 54.94
18 Aqpan, 17:11:32
Shyńjańdyq dúngen: Dereý qazaqtardan keshirim surańdar! (aýdıo)

07 Aqpan, 2020 NEWS

Elordada qos birdeı narazylyq aksııasy ótti

Foto: Azattyq radıosy

7 aqpanda Nur-Sultanda jıyrmaǵa jýyq boryshker bılikten máselelerin sheship berýdi talap etip, Aqordaǵa barmaq boldy. Biraq olardy arnaıy jasaq ókilderi bógedi. Boryshkerlerdiń 5 aqpanda Aqordaǵa barmaq bolǵan áreketterine de tosqaýyl qoıylǵan. Bul týraly Azattyq radıosy habarlaıdy.

– Biz búgin ǵana barlyq bankterdiń qaıta qarjylandyrý baǵdarlamasyna qatysýdan bas tartyp jatqanyn bildik. Biz shok boldyq. Sebebi buǵan deıin 17 bank baǵdarlamaǵa qosyldy delingen edi. Bankter Ulttyq bank usynyp otyrǵan túsiniksiz sharttardy qabyldaı almaımyz deıdi. Ulttyq bank te birde-bir banktiń qol qoımaǵanyn rastady. Endi bıliktiń sózine senbeımiz. Qoshanov pen Toqaevtyń ózimen kezdestirýdi talap etemiz, – dedi belsendi Qanaǵat Tákeeva.

Onyń aıtýynsha, 6 aqpanda boryshkerler ulttyq ekonomıka vıse-mınıstri, ádilet vıse-mınıstri, sot aktilerin oryndaý departamenti, joǵarǵy sot ókilderimen kezdesken. Biraq boryshkerler olardyń "máselelerińizdi sheshemiz" ýádelerinen sharshaǵanyn, naqty áreket jasalmaı otyrǵanyn aıtty.

– Kelemiz – aldap-sýlap shyǵaryp salady. Erteń banktiń aksıonerleri keledi deıdi. Barsań – aksıonerler turmaq, tas ta joq. Olar tipti baǵdarlama baryn da bilmeıdi. Olar halyqty osynda qınap qoıyp, qalaı tamaq ishedi? Neshe kún boldy zarlap júrgenimizge? Jaýap taba almaı jatyrmyz, – dedi boryshkerlerdiń biri Álııa Baıbolatova.

Ekinshi narazylyq aksııasyn Nur-Sultan áýejaıynyń tazalyǵyna jaýapty klınıng kompanııasynyń bir top qyzmetkeri ótkizdi. Olar áýejaı termınaldarynyń birine jınalyp, narazylyq jasady.

Kompanııa jumysshylarynyń aıtýynsha, basshylyq jumysshylardy qajetti quraldarmen qamtamasyz etpeıdi. Áýejaıda rezeńke qolǵap, shúberek, tazalaý quraldary joq, rezeńke qolǵap pen medısınalyq maskany qyzmetkerler ózderi satyp alady. О́zderin qajetti zattar men quraldarmen qamtamasyz etýdi talap etken jumysshylar talaptary oryndalmaǵan jaǵdaıda jumysqa shyǵýdan bas tartatynyn aıtty.

– Bizde jumys isteıtenderdiń basym bóligi – jalǵyzbasty analar. Báriniń nesıesi bar, páter jaldap turady. Toǵyz aı buryn basshylyq aýysqan. Osy ýaqyt boıy shydap keldik. Shúberek joq, bes aı boıy qolǵapsyz jumys istedik. Oılańyzdarshy: halyqaralyq áýejaı, ájethanalar toly. Tazalaıtyn qural joq, suıyq sabyn joq, paket joq, qoqystardy shúberekpen oraımyz. Bir sóz aıtsań – birden jumystan shyǵarady, – dedi Uljan Telǵojına.

Eki jumysshy birneshe kún boıy taqqan maskalaryn sheship tastaǵany úshin jaqynda ózderin jumystan shyǵarǵanyn aıtty. 112 myń teńge jalaqy alatynyn aıtqan eden jýýshylar jumysqa qajetti zattardy satyp alýǵa shamasy jetpeıtinin aıtty.

–  Bir maskany eki kún taǵamyz. Bári terleıdi. Qolǵap joq, tazalaıtyn quraldar jetispeıdi, súıtedi de taǵy eskertý aıtady. Biz qulmyz ba ne? Basshylyqty aýystyrsyn, bizge mundaı nárse kerek joq, – dedi Maqpal Bolatova esimdi jumysshy.

Narazylardyń aldyna áýejaıdy ınfraqurylymdyq qamtamasyz etý jónindegi basqarma tóraǵasynyń orynbasary Arnabol Baqyt shyqty. Ol eden jýýshylar aıtqan máseleni birinshi ret estip turǵanyn, buǵan deıin eshkimniń shaǵymdanbaǵanyn aıtty.

–  Maska, tazalaý quraldary – barlyǵy qajet kezde beriledi. Áýejaı bárin tolyǵymen qamtamasyz etip jatyr. Men qazir ǵana osyndaı másele baryn bilip otyrmyn. Jalaqy ýaqytynda berilip jatyr. Ony eki ret kóbeıttik, – deıdi Arnabol Baqyt.

– Maska taǵý degen talapty biz emes, densaýlyq saqtaý mınıstrligi qoıǵan. Birde-bir qyzmetker jumystan shyǵarylǵan joq. Eshqandaı daý bolǵan joq. Maǵan eshkim shaǵymdanǵan joq. Eger shaǵym bolsa, ony qarastyrýǵa daıynbyz. Biraq eshkim kelgen joq qoı, – dedi ol.

Áýejaıdyń kadr bóliminiń jetekshisi Aıgúl Shyńǵysova birde-bir qyzmetkerdi jumystan shyǵarmaǵanyn, jaqyn arada jumysshylardy qajetti quraldarmen qamamasyz etetinin aıtty.

– Osy aptadan bastap barlyq quraldarmen qamtamasyz etemiz. Jetpegen zattarǵa baıqaý jarııaladyq. Bárin satyp alamyz jáne jumysshylarǵa beriledi. Eshkimdi jumystan shyǵarǵan joqpyz. Eshkim kelisim-shartty buzǵan joq. Mekemeniń ishki máselelerin ózimiz sheshemiz, – dedi Aıgúl Shyńǵysova.

 
Ilmek sózder: narazylyq aksııalary

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir