Italııalyqtan koronavırýs ınfeksııasy anyqtaldy

Italııa densaýlyq saqtaý ınstıtýtynyń habarlaýynsha, Rımde "2019-nCoV" vırýsyn juqtyrǵan alǵashqy ıtalııalyq anyqtaldy. Dúısenbide  Ýhannan otanyna oralǵan azamattardyń biri jasaǵan medısınalyq testileý oń nátıje kórsetti, dep habarlaıdy  Qamshy.kz aqparat agenttigi ria.ru -ge silteme jasap.

Jergilikti buqaralyq aqparat quraldarynyń málimetinshe, Italııa densaýlyq saqtaý mınıstrligi koronavırýsqa qarsy arnaıy jumys tobyn jumyldyrýda. Dúısenbide áskerı ushaqpen Ýhannan otanyna oralǵan 56 Italııa azamatynyń biri qaýipti vırýsty juqtyrdy degen kúdikpen aýrýhanaǵa jatqyzyldy.

Beısenbi kúni Ýhannan eresek er adamdy Rımde Lazzaro Spallanzanı ulttyq juqpaly aýrýlar ınstıtýtyna alyp keldi. Italııa premer-mınıstri Djýzeppe Konte jýrnalısterge medısınalyq organdar koronavırýs ınfeksııasynyń jańa jaǵdaıy týyndaýyna baılanysty qajetti tekserýler júrgizip jatqanyn rastady.

31 qańtarda mınıstrler keńesi elde alty aıǵa tótenshe jaǵdaı engizý týraly sheshim qabyldady. Bul sheshimdi júzege asyrý úshin 5 mıllıon evro bólindi. Júk reısterin qospaǵanda, Qytaımen áýe qatynasyn toqtatý týraly sheshim qabyldanǵan.