Qala ákiminiń orynbasary Erjan Babaqumarov tóraǵalyq etetin koronavırýstyq ınfeksııanyń taralýynyń aldyn alý jónindegi óńirlik shtab Almatynyń halyqaralyq áýejaıyna keletin barlyq halyqaralyq reısterge, ásirese qaýipti aımaqtardan kelýshilerge júrgiziletin kúsheıtilgen sanıtarlyq-karantındik baqylaý jumystaryn tekserdi.

Baqylaý barysynda Qazaqstan Respýblıkasynyń Bas memlekettik sanıtarlyq dárigeri Jandarbek Bekshınniń usynystarynyń saqtalýy tekserildi. Sonymen qatar, kóshi-qon polısııasy, áýejaı qyzmetkerleri jáne kelýshilermen qarym-qatynasta bolatyn ózge de adamdardyń betperde taǵý rejımi qanshalyqty qoldanylatynyna taldaý júrgizildi.

Sondaı-aq zalalsyzdandyrý eritindilerin qoldaný jáne qajetti mólshermen qamtý máseleleri, qoǵamdyq qoldanystaǵy oryndardyń sanıtarlyq jaǵdaıy baqylandy. Eldik úılestirý komıtetiniń qyzmetkerlerin jeke qorǵaný quraldarymen qamtamasyz etý máseleleri qaraldy.

Áýejaı aýmaǵynda ornalasqan qoǵamdyq tamaqtaný oryndary jáne saýda nysandarynyń qyzmetine sanıtarlyq-karantındik baqylaý maqsatynda tekserý júrgizildi. Bas memlekettik sanıtarlyq dárigerdiń qaýlysyn oryndaý úshin monıtorıng barysynda anyqtalǵan zań buzýshylyqtar boıynsha oryndaý merzimi kórsetilgen qaýlylar men eskertý hattar ázirlenip, berildi.

Otyrys qorytyndysy boıynsha óńirlik shtab koronavırýstyń taralýyna jol bermeý is-sharalarynyń ótkizilýi barysyna monıtorıngti kún saıyn ári turaqty negizde júzege asyrý týraly sheshim qabyldady.

Jalpy búgingi kúni megopolıste jaǵdaı baqylaýda, koronavırýstyq ınfeksııa jaǵdaıy tirkelgen joq. Bıologııalyq qaýipsizdik jónindegi barlyq arnaıy vedomstvolar jáne sanıtarlyq kúzet qyzmetkerleri daıyndyqtan ótken. Tótenshe jaǵdaıdyń túrli deńgeıindegi sanıtarlyq-karantındik baqylaý erejelerin ustanady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir