Qytaıda koronavırýstan qaıtys bolǵandardyń sany 636-ǵa jetti

Qytaıda koronavırýsty juqtyrǵandardyń sany 636-ǵa jetken. Bul Qytaıdyń memlekettik densaýlyq saqtaý komıtetiniń málimetine negizdelgen, - dep habarlaıdy Qamshy.kz aqparat agenttigi ria.ru - ge silteme jasap.

Keshe ǵana resmı túrde 28 myńnan astam adam vırýsty juqtyryp, onyń ishinde 563 adam qaıtys boldy dep habarlandy.

6 aqpannan 7 aqpanǵa qaraǵan túni memlekettik densaýlyq saqtaý komıtetine 31 provınsııadan koronavırýstyń jańa túrimen týyndaǵan 31 161 rastalǵan pnevmonııa týraly aqparat kelip túsken, olardyń ishinde 4 821 adamnyń aýyr halde jatqany, 636 adamnyń qaıtys bolǵany, 1540 adamnyń aýrýhanadan shyǵarylǵany aıtyldy.

О́tken táýlikte ınfeksııanyń 3 143 jańa jaǵdaıy anyqtalǵan edi, kúnine 387 adam aýrýhanadan shyǵarylyp otyrǵan. Sonymen qatar, Gonkongta ınfeksııanyń 24 jaǵdaıy anyqtaldy (olardyń bireýi qaıtys boldy), Makaoda 10 adam tabyldy (olardyń bireýi aýrýhanadan shyǵaryldy), Taıvanda 11 adam juqtyrdy (olardyń bireýi saýyǵyp ketti).

Koronavırýstyń jańa túrin juqtyrdy degen kúdikpen taǵy 26,4 myń adam dárigerlerdiń qaraýynda. Qazirgi ýaqytta naýqastarmen tyǵyz baılanysta bolǵan 186 myńnan astam adam medısınalyq tekseristen ótip jatyr.