opentown.ru
Almaty qalasy qoǵamdyq densaýlyq basqarma basshysy Tileýhan Ábildaev búgingi brıfıng barysynda elde koronavırýstyń belgileri tabylǵan jaǵdaıda, onymen kúresýge qaýqarymyz jetedi jáne oǵan qarsy turatyn preparattar bizdiń qorda bar dep atap aıtty.
"Juqpaly aýrýlardyń basqa da salasyna paıdalanyp júrgen vırýsqa qarsy dári-dármekterdiń koronavırýsqa tıimdiligi dáleldengen. Ondaı dáriler bizdiń ınfeksııalyq stasıonarymyzda jetkilikti", - dedi basqarma basshysy .
Sondaı-aq ol, Qytaıdan kelgen azamattar jekeleı tekseristen ótip, árdaıym baqylap otyramyz dep jetkizdi.
"Qazirgi ýaqytta vırýs taraǵan qaýipti aımaqtan Almatyǵa kelgender sany 6320 adamdy qurady. Olardyń 6234-i qaralǵan, onyń 99-y sheteldik azamattar. Qaladaǵy polıklınıkalarda fıltr kabınetteri jasaqtalǵan. Sondaı-aq ystyǵy kóterilgender, JRVI jáne tumaý belgisimen kelgenderdi qaraıtyn arnaıy oryndar quryldy, dep brıfıng barysynda atap ótti.
Sonymen qatar, ol indetke qarsy kúresý úshin memlekettik bıýdjetten taǵy 30 mln teńge bólingenin jáne qosymsha betperdeler satyp alynyp jatqanyn jetkizdi.
"Almatyda koronavırýs juqtyrǵandar anyqtalǵan joq. Qaýipti aımaqtan kelgen 25 adam JRVI men tumaý belgisimen aýrýhanaǵa jatqyzylǵan. Olardyń 11-i qazir emdelip shyqty. Qalǵan 14 adamnyń jaǵdaıy qalypty, jazylyp kele jatyr, - deıdi Ábildaev.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir