Mınıstr jelide lotereıa oınatýǵa tyıym salmaq

Qazirgi tańda áleýmettik jelide lotereıamen utys  oınatatyndar kóbeıip ketti. Olardyń áreketiniń qanshalyqty zańdy ekenin mádenıet jáne sport mınıstri Aqtoty Raıymqulova aıtyp berdi. 

Mınıstrdiń aıtýynsha, lotereıa jáne lotereıa qyzmeti týraly zań jobasynda bar.

– Lotereıa operatorynsyz (Operatory "Sátti juldyz" AQ), operatordyń lotereıa oınatý týraly kelisiminsiz júzege asyrylǵan kez kelgen oıyndar zańsyz dep sanalady jáne ol lotereıa dep sanalmaıdy, – dedi ol.

Áleýmettik jelide oqyrmany kóp bloger, ártister men ózge de tanymal adamdar lotoreıany kóp jarnamalaıtyn bolǵan. Mınıstrdiń sózinshe, olar munysy úshin jaýapqa tartylady.

Sonymen birge, mınıstr lotereıanyń belgilerin aıtyp berdi.

– Eger lotereıanyń operatory bolsa jáne oǵan aqsha salatyn lotereıa qatysýshysy bolsa – bul lotereıanyń negizgi belgisi. Ol aqsha jınaqtalyp, apparattyq keshende oınatylady jáne ol aqshany bireý utyp alady. Eger mundaı belgiler bolmasa, ol lotereıa dep tanylmaıdy, – dedi Raıymqulova.