Qytaıda koronovırýstan qaıtys bolǵandar 490 adamǵa jetti

Koronavırýs qytaıda kúnnen-kúnge qaıtys bolǵandar sany kóbeıip jatyr. Sońǵy resmı málimetterge súıensek, kóz jumǵandar sany 490-ǵa jetse,  al onyń 24 324 adamnan vırýs belgileri tabylǵan. Hýbeı provınsııasynda bir táýliktiń ishinde 65 adam kóz jumǵan. Bul týraly Azattyq habarlaıdy. 

Koronavırýstyń jyldam taralýyna baılanysty qytaılyqtar úılerinen shyqpaýǵa mindetteldi jáne olardyń kóbi Hýbeı provınsııasynda turady. Qazir karantın sharasy 50 mıllıonnan astam adamdy qamtydy. Sonymen qatar, qytaıdan tys eldi aımaqtarda turatyn adamdardan 176 vırýs belgileri tabylǵan. Dárigerler vırýstyń adamnan adamǵa juǵatynyn rastady.

Reseı men AQSh jáne ózge birqatar memleketter óz azamattaryna Qytaıǵa barýǵa tyıym saldy jáne áýe ushaqtaryn toqtatty.

Vırýs Hýbeı provınsııasynyń ortalyǵy Ýhandaǵy teńiz ónimderi bazarynan taraǵan dep aıtylady. Keıbir aqparat quraldarynyń jazýynsha, bazar 1 qańtarda jabylǵanǵa deıin onda teńiz ónimderi ǵana emes, jarqanat, taýyq, qoıan men jylan zańsyz saýdalanyp kelgen.

"Vırýsty juqtyrý oqıǵalarynyń 99 paıyzy - Qytaıda tirkelgen. Qytaıdan tys elde 176 jaǵdaı rastaldy. Jaǵdaı ýshyǵýy múmkin. Biraq bizdiń áreket etýge múmkindigimiz bar" dedi 4 aqpanda Dúnıejúzilik densaýlyq saqtaý uıymynyń basshysy Tedros Gebreıesýs.