• USD 389.52
  • EUR 429.21
  • RUB 6.07
  • CNY 54.94
18 Aqpan, 17:09:49
Shyńjańdyq dúngen: Dereý qazaqtardan keshirim surańdar! (aýdıo)

05 Aqpan, 2020 NEWS

Jaza: Túrkistan oblysynda kabınetinde karta oınaǵan ákim qyzmetinen ketýi múmkin

Ákimderdiń alashapqyny – esep berý naýqany qyzǵan tusta Túrkistan oblysynda ákim qyzmet ornynda karta oınaǵan. Shendiniń bul isi aımaq boıynsha Ádep jónindegi keńeste qaraldy.

Foto: inform.kz

Bul týraly Qamshy.kz aqparat agenttigi QazAqparat saıtynyń deregin negizge ala otyryp habarlaıdy.

Anyqtalǵandaı, aýyl ákimniń jurttyń ashýyn týdyrǵan bul qylyǵy áýeli WhatsApp áleýmettik jelisi arqyly taraǵan. Jelige taraǵan kóriniste Shardara aýdanyna qarasty Q.Turysbekov aýyldyq okrýginiń ákimi Á.Seıdalıevtiń aýyldyń birneshe azamatymen birge jumys ornynda karta oınap otyrǵan áreketi túsirilgen.

Eń soraqysy – ákim atalǵan oıyn túrin qyzmettik bólmesinde uıymdastyrǵan. Tekserý nátıjesinde belgili bolǵandaı, bul kezde ýaqyttyń keshki saǵat 21:00-der shamasy ekeni, ıaǵnı, oıyn uıymdastyrylǵan sát jumystan tys ýaqyt ekeni derektelgen.

Alaıda ákimniń ersi qylyǵy Túrkistan oblysy boıynsha Ádep jónindegi keńeste arnaıy qaralyp, memlekettik qyzmetkerlerdiń Ádep Kodeksiniń talaptaryn saqtamaǵany úshin oǵan «qyzmettine tolyq sáıkes emestigi týraly eskertý» túrindegi tártiptik jazany qoldaný týraly sheshim qabyldanǵan.

Osylaısha,  Ádep jónindegi keńes tártiptik jaza qoldaný týrasyndaǵy sheshim shyǵarǵan. О́z kezeginde usynys Shardara aýdany ákimine joldanǵan.



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir