05 Aqpan, 2020 Saıasat
«Sen máńgúrtsiń»: atyraýlyq belsendiniń ákimge aıtqan sózi talqylanýda (vıdeo)
Áleýmettik jelide Atyraý oblysy Isataı aýdanynyń ákimi Marat Murzıevtiń halyqqa esep berý jınalasy qyzý talqyǵa tústi. Sebebi, kezdesýde atyraýlyq belsendi ákimge "sen máńgúrtsiń" dep tike aıtqan.
foto: azattyq-ruhy.kz (Isataı aýdanynyń ákimi Marat Murzıev)
Belgili bolǵandaı aýyl turǵynynyń ákim esebinde sóılegen sóziniń vıdeosyn Berkin Sadyqov esimdi Facebook qoldanýshysy jarııalaǵan.
Atyraýlyq belsendiniń aty – Saǵatbaı Qapenov. Ol aımaqtyń ekologııa máselesin kótere otyryp, arasynda ákimniń qazaqsha durys túsinbeıtinin synaǵan.
«Biz qamysty órteýimiz kerek. Odan keıin kók quraq shyǵady. Balapan, jan-janýar aman qalady. Men saǵan aıttym, biraq túsinbediń. Seniń máńgúrt ekenińdi osydan bildim... Sebebi mynadaı jerde jylqy ustaýǵa bolmaıdy. Ekologııa búlinip jatyr. Maýsymdyq shópti jep qoıady. Bir kempir eki buzaýly sıyryn asyraı almaı otyr. Kanalǵa sý aıdaǵannyń máni joq. Jylqyny taý jaqqa aıdaý kerek. Ekologııany «katastrofaǵa» ushyratamyz. Erteń aýrý osy qamystan shyǵady. Osyny aıtsam, túsinbeısińder. Noǵaev ketti, qulaqtan teýip. Sen kelgende aıttym: Alashtyń azamatynyń bótendigi joq, qosh keldiń elge. Durys jumys jasa. Biraq sen qazaqsha bilmeısiń, máńgúrtsiń», - degen ol.
Al jeli qoldanýshylarynyń bir toby belsendiniń ekologııa týrasyndaǵy aıtqan oıyn qýattap, pikir ıesiniń ákimnen jasy úlken ekenin alǵa tartsa, kelesi bir toby "sen máńgúrtsiń" degen sózdiń sál aýyr ekenin, aýyl turǵynynyń etıkalyq normadan asyp ketkendigin aıtysqan.
Ázirge aýdan ákimi men aýyl turǵyny arasyndaǵy keleńsiz jaıtqa baılanysty qandaı da bir resmı málimdeme jasalǵan joq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir