• USD 468.56

  • EUR 497.56

  • RUB 7.3

  • CNY 67.18

29 Naýryz, 01:24:35
Almaty
+35°

04 Aqpan, 2020 NEWS

"Ol meniń Otanym – Qazaqstan": Dımash Qudaıbergen reseılikterdiń usynysyna jaýap berdi

«Evrovıdenıe baıqaýyna Reseı atynan qatysý týraly kóptegen hattar kelip túsip jatyr. Bul baıqaýǵa men tek qonaq retinde shaqyrsa ǵana qatysamyn. Qatysýshy retinde baıqaýǵa qatyspaımyn jáne kerek dep sanamaımyn»

Foto: sputniknews.kz

Bul týraly ánshi óziniń Instagram-daǵy paraqshasynda jazdy dep habarlaıdy Qamshy.kz aqparat agenttigi. 

Osy rette, ol oqyrmandaryna halyqaralyq arenada ózine meıli qandaı da bir usynys aıtylsa da tek qana Qazaqstan atynan shyǵatynyn jetkizdi.

«Asa qurmetpen jankúıerlerime aıtarym, halyqaralyq arenada men tek qana bir eldiń atynan shyǵa alamyn, ol meniń Otanym - Qazaqstan! Qoldaýlaryńyz ben ystyq yqylastaryńyzǵa raqmet. Meniń «Arnaý» atty jeke konserttik týrnemde kezdeskenshe!», - deıdi Dımash Qudaıbergen.

Ánshiniń áleýmettik jeli arqyly bulaı arnaıy pikir bildirýine reseılik saıtta jarııalanǵan kezekti bir maqala sebep bolǵandaı. Aıtalyq, onda: "Qazaqstan ánshisi Dımash Qudaıbergen Reseı atynan "Evrovıdenıe-2020" baıqaýyna qatysqaly jatyr" degen syńaıda daqpyrt taraǵan bolatyn. 

Alaıda, ánshi bul aqparattyn bárin teriske shyǵaryp, óziniń kelesi konsertterine qyzý daıyndyqta ekenin jetkizgen. 

"konsert" demekshi, osyǵan deıin Dımashtyń aldaǵy úsh aıda Eýropanyń 11 qalasynda jeke konsert beretini aıtylǵan.



"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir