Almatyda koronavırýsqa qarsy jumystar júrgizilip jatyr

Qazirgi tańda Almaty qalasynda qytaılyq azamattardan jumys jasap júrgen 72 kásiporyn bar jáne onda 188 qytaı azamaty jumys istep jatyr. Olardy tolyqtaı tekseristen ótkizip, eshqaısynan qaýipti vırýstyń shyqpaǵanyn anyqtady. Bul týraly Almaty qalasy taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova brıfıng barysynda aıtty.

"Almatyda qazirgi kúni koronavırýs taraǵan elden kelgen 6 322 adam bar, onyń 371-i sheteldikter. Olardyń 70 paıyzy baqylaýǵa alynyp, tekserilip jatyr, keıbiriniń mekenjaıy durys kórsetilmegen, olardy kóshi-qon polısııasy izdestirýde. Sondaı-aq, qytaıdan kelgen adamdardyń keıbiri Almatydan basqa qalaǵa jol júrip ketip jatady. Sondyqtan olardyń mekenjaıyn anyqtaý qıyn. Degenmen onyń kóshi-qon polısııasy anyqtaıtyn bolady" - dedi departament basshysy. 

Almaty mektepteriniń 70% fıltrmen tekserildi. Sondaı-aq buǵan deıin elimizge Reseıden vırýsty tekserýge arnalǵan testilik qurylǵylar jetkizilgenin habarlaǵanbyz. Ol eki saǵattyń aralyǵynda adamnyń vırýsty juqtyrǵan, juqtyrmaǵanyn anyqtap beredi. Basqa da dári dármekter jetkilikti deńgeıde. Tańerteńgi saǵat 9.00 kezindegi jaǵdaı boıynsha qalada 335 myń betperde bar ekeni anyqtaldy, - dedi ol.