04 Aqpan, 2020 NEWS
egemen.kz
General-maıor, qorǵanys mınıstriniń kadr jáne áskerı bilim berý jónindegi departament basshysy Qaırat Kópbaev eki aı merzimge úı qamaqqa alyndy, dep habarlaıdy Qamshy.kz aqparat agenttigi tengrinews.kz-ke silteme jasap.
Qaırat Kópbaev úı qamaý túrindegi bultartpaý sharasy boıynsha 2020 jyldyń 31 qańtarynan 28 naýryzǵa deıin sanksııalandy, dep málimdeme jasady Nur- Sultan qalasy sotynyń baspasóz qyzmeti.
Buǵan deıin Qorǵanys mınıstrligi Kadr jáne áskerı bilim departamentiniń bastyǵy júıeli túrde para aldy degen kúdikke ilingeni týraly habarlanǵan.
Sybaılas jemqorlyqqa qarsy kúres qyzmeti kúdiktiniń kinásin moıyndap, qorǵaýshynyń qatysýymen prosessýaldyq kelisim jasaý týraly ótinish bergenin aıtty.
Joǵary laýazymdy sheneýnik fýnksıonaldy jáne qyzmettik mindeti boıynsha kásibı daıyndalǵan áskerı qyzmetshilerdi irikteý men ornalastyrýdy, aldyn alý jáne profılaktıkalyq jumystardy júrgizýge, olardyń qataryndaǵy tazalyqty qamtamasyz etýge jáne personaldyń is-áreketindegi sybaılas jemqorlyq táýekelderin boldyrmaýǵa mindetti bolǵan.
"Qazirgi tańda Qaırat Kópbaev qol astyndaǵy adamdardan júıeli túrde para aldy degen kúdikke ıe", delingen sybaılas jemqorlyqqa qarsy is-qımyl agenttigi taratqan málimdemede.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir