20 adam Bek Air áýe kompanııasyn sotqa berdi

Tutynýshylardyń quqyǵyn qorǵaý komıteti "Bek Air" áýe kompanııasynan jábir kórgen  klıentterdiń múddelerin qorǵaýǵa kiristi.

"2020 jyly 31 qańtarda QR Saýda jáne ıntegrasııa mınıstrliginiń Tutynýshylardyń quqyqtaryn qorǵaý komıteti Nur-Sultan qalalyq sotyna Bek Air qyzmetin tutynýshylardyń quqyqtarynyń buzylǵany týraly shaǵym túsirdi. Tutynýshylardyń quqyqtaryn qorǵaý komıtetiniń shaǵymynda Bek Air ózderinen satyp alynǵan bıletterdiń aqshasyn qaıtarmaǵanyn, sondaı-aq aqshasy tólengen qyzmetti kórsetpegenderin, osylaısha tutynýshylardyń quqyqtary buzylǵany kórsetilgen" delingen vedomstva habarlamasynda.

Saýda jáne ıntegrasııa mınıstrliginiń tutynýshylar quqyǵyn qorǵaý komıtetine 444 myń 434 teńgeniń bıletterin satyp alǵan 20 adam quqyqtarynyń buzylǵany týraly aryzdanǵan.

"29 qańtarda Bek Air basshysy operatordyń sertıfıkaty qalpyna keltirilip, satý júıesi iske qosylǵanda aqshany qaıtaramyz dedi. Sol kezde olar kim bılet satyp aldy, kim ony aýystyrdy, kim qaıta tapsyrdy – bárin kóre alady. Al oǵan deıin olarda eshqandaı málimet joq, sondyqtan apattan keıingi alǵashqy kúnderdegideı alaıaqtyqqa jol berilmes úshin aqshany eshkimge betine qarap qaıtaryp bermeıdi", dep habarlady áýe basshylyǵy.