Aqtaýdaǵy kafelerdiń birinde atys boldy dep jazady Qamshy.kz aqparat agenttigi Lada.kz saıtyna silteme jasap. Oqıǵa 2020 jylǵy 1 aqpannan 2 aqpanǵa qaraǵan túni Aqtaý karaoke-barlarynyń birinde bolǵan. 

Eki medısınalyq betperde kıgen jigit karaoke-barǵa kirip oq jaýdyrǵan. Olar beınebaqylaý kamerasyna túsip qalǵan. Ekeýiniń de qolynda qarý-jaraq bolǵan. 

Shyǵyp bara jatqan kezde karaoke-barǵa kelýshilerdiń biri oq jaýdyrǵan jigittiń qarýyn tartyp almaqshy bolady. Biraq ekinshi jigit qarýyn kórsetip, qorqytqan. Keıin qarýlanǵan jigitter mekemeni aralaıdy.

Polısııa departamenti osy derekti rastady. Qazirgi ýaqytta oq atqan er adamdardyń izdestirilip jatqanyn aıtty. 

"07:30-da Aqtaý qalalyq PB bólimine 07:00 shamasynda belgisiz eki er adam betperde kıip kafege qarý ustap kirgenin aıtady. Olar "Grammy's" karaoke-barynyń edenine eki ret myltyq atyp, oqıǵa ornynan boı tasalaǵan. Osy derekke qatysty QR Qylmystyq kodeksiniń 293-babynyń 3-bóligi boıynsha tergeý sharalary júrip jatyr. Tergeý barysynda beınebaqylaý kameralary túsirgen vıdeolar men atylǵan oǵan tárkilengen. Qazirgi ýaqytta kúdikti tulǵalardy anyqtaý jáne ustaý úshin jedel-izdeý sharalary júrip jatyr", - dedi óńirlik polısııa ókilderi.

Ilmek sózder: Aqtaý Qazaqstan atys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir