04 Aqpan, 2020 Aımaqtar
Qasiret: Almaty oblysynda taǵy eki sábıdiń ómirin órt qıdy
Almaty oblysynda aıdyń-kúnniń amanynda beıkúná eki sábı qyzyl órttiń qurbanyna aınaldy. Jas ólimge taǵy sol jeke turǵyn úıden shyqqan órt sebep bolǵan.
Foto: 7-su.kz
Bul jaıynda QR Ishki ister mınıstrligi Tótenshe jaǵdaılar komıteti málim etti dep habarlaıdy Qamshy.kz aqparat agenttigi.
Vedomstvo málimetinshe, keshe saǵat 13:16-da órtke qarsy qyzmet ókilderine Talǵar aýdanyna qarasty О́stemir aýylyndaǵy jeke turǵyn úıdiń órtenip jatqany týraly habar túsedi.Alaıda oqıǵa orny órt sóndirý bólimshesinen 35 shaqyrym jerde bolǵandyqtan, qutqarýshy top kelip jetken kezde búkil úı qyzyl jalynǵa oranady.
Osy rette, Tótenshe jaǵdaılar komıteti órttiń shyǵý sebebi anyqtalyp jatqanyn jetkizdi.
"Saǵat 14.14-te órttiń taralýy toqtatylyp, saǵat 14.21-de tolyǵymen sóndirildi. Jalyn sharpyǵan aýmaq 77 sharshy metrdi qurady. О́rt sóndirýshiler jetkenge deıin kórshiler órtenip jatqan úıden 2016 jáne 2017 jyldary dúnıege kelgen eki balany shyǵaryp alǵan. Balalar aýdandyq aýrýhanaǵa barar jolda jaraqat saldarynan "Jedel járdem" kóliginde kóz jumdy. О́rttiń shyǵý sebebi anyqtalýda", - deıdi atalǵan vedomstvo ókilderi.
Aıta keteıik, órtti sóndirýge Almaty oblystyq tótenshe jaǵdaılar departamenti jeke quramynyń 8 mamany men 2 tehnıkasy jumyldyrylǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir