• USD 468.56

  • EUR 497.56

  • RUB 7.3

  • CNY 67.18

29 Naýryz, 10:55:56
Almaty
+35°

Bıyl qańtar aıynan bastap elimizde mindetti áleýmettik medısınalyq saqtandyrý  júıesi (MÁMS) tolyqtaı qoldanysqa endi. Jalpy, QR Zańnamalyq turǵydan bul saqtandyrý júıesi 2015 jyly qabyldanyp, 2017 jyldan bastap qor óz jumysyn bastady. Qordyń 3 jyldyq úzilisiniń ózindik sebepteri bar. Iаǵnı, osy ýaqyt aralyǵynda qor:

  • ózin-ózi qamtıtyn azamattardyń statýstaryn anyqtady;
  • medısınalyq qyzmetterdi aldyn-ala tyńǵylyqty daıyndady;
  • arnaıy sanattaǵy azamattardy anyqtady;
  • quqyqtyq aktilerdi jáne medısınalyq aqparattardy daıyndady t.b.

2020 jyldan bastap qoldanysqa engen ataýly áleýmettik kómek týraly kóptegen adamnyń habary joq. Qamshy.kz aqparat agenttiginiń tilshisi arnaıy ortalyqtyń qyzmetkerlerine habarlasyp, tolyǵyraq aqparat aldy 

Jalpy, áleýmettik medısınalyq saqtandyrý júıesiniń kómegine júginý úshin, mindetti túrde turaqty jumys jasap, medısınalyq saqtandyrylýy qajet.

 MÁMS júıesine kiretin qyzmet túrleri:

  • eresekter men balalardy profılaktıkalyq tekserýden ótkizý;
  • mamandardyń qabyldaýy -35 profıl, zertteýler jáne dıagnostıka - 228 qyzmet;
  • zerthanalyq dıagnostıka, sondaı-aq, baǵasy qymbat turatyn dıagnostıka túrleri. Mysaly, gormondar jáne onkomarkerler;
  • jedel jáne sozylmaly aýrýlardy emdeý. Josparly túrde stasıonarǵa jatqyzý;
  • ambýlatorııada jasalatyn josparly hırýrgııalyq operasııalar;
  • medısınalyq ońaltý.

Sondaı-aq, memleket tarapynan saqtandyrylatyn jeńildigi bar sanattar:

  • 18 jasqa deıingi balalar;
  • «Altyn alqa», «Kúmis alqa» nemese buryn «Batyr ana», I jáne II dárejeli «Ana dańqy» ordenderimen marapattalǵan kóp balaly analar;
  • Uly Otan soǵysynyń qatysýshylary men múgedekteri;
  • júkti áıelder;
  • Múmkindigi shekteýli jandar;
  • jumys istemeıtin oralmandar;
  • jumyssyz retinde resmı tirkelgen adamdar;
  • 3 jasqa tolmaǵan bala tárbıesimen aınalysatyn jumys istemeıtin azamattar;
  • Bala asyrap alatyn jáne 3 jasqa deıin dekrettik demalys alǵan adamdar;
  • múgedek bala kútimimen aınalysatyn jumys istemeıtin azamattar;
  • sot úkimi boıynsha jazasyn ótep jatqandar;
  • tergeý ızolıatorlarynda otyrǵandar;
  • orta, kásiptik-tehnıkalyq, orta bilimnen keıingi, joǵary bilim berý, sondaı-aq joǵary oqý ornynan keıingi bilim berý uıymdarynda ishteı oqyp jatqan tulǵalar;
  • ataýly áleýmettik kómek alatyn jumyssyz azamattar.

Eger de siz turaqty tabysy joq jáne memleket tarapynan saqtandyrylatyn jeńildigi bar sanatqa kirmeıtin jeke tulǵa bolsańyz, aı saıyn ózińiz úshin kez-kelgen banktiń termınalynan 2125 teńge tólem jasap, mindetti medısınalyq kómektiń barlyq túrin tegin qoldana alasyz.

 

 

Nursulý Temirhanqyzy

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir