02 Aqpan, 2020 NEWS

Bas sanıtar dárigerdiń Qytaıdan evakýasııalanǵan qazaqstandyqtarǵa qatysty málimdemesi

inform.kz

Eldiń bas sanıtar dárigeri Jandarbek Bekshın Qytaıdyń Ýhan qalasynan jetkizilgen qazaqstandyqtardyń jaǵdaıy men olarǵa qoldanylyp jatqan emdik sharalar týraly málimdeme jasady.

2 aqpanda Qazaqstan azamattarynyń densaýlyq qaýipsizdigin qamtamasyz etý maqsatynda QR DSM Ulttyq shuǵyl medısına úılestirý ortalyǵy elge Qytaıdyń Ýhan qalasynda júrgen 83 qazaqstandyqty, onyń ishinde 80 stýdentti jetkizdi.

Ushý barysynda barlyq qorǵaý quraldarymen qamtamasyz etilgen qazaqstandyq dárigerler erip júrdi.

Densaýlyq jaǵdaıy tekserilgennen keıin, elge oralǵan azamattar qaladan 7 shaqyrym jerde ornalasqan elordanyń kóp salaly aýrýhanasynyń janyndaǵy ınfeksııaǵa qarsy arnaıy bólingen korpýsta 14 kúndik karantınge jatqyzyldy.

Klınıka ınfeksııalyq qaýipsizdiktiń qajetti tehnologııalarymen, zamanaýı dıagnostıkalyq, emdik jáne reanımasııalyq quraldarmen jabdyqtalǵan jáne tıisti medısınalyq qyzmetkerlerimen qamtamasyz etilgen.

Medısınalyq mekemede evakýasııalanǵan azamattar qosymsha tekserýden jáne birinshi kezekte koronavırýstyq ınfeksııaǵa testileýden ótedi.

https://www.youtube.com/watch?v=E-GTaCRU9JI

Karantın kezeńi kezinde elge kelgen adamdarmen tek asa qaýipti ınfeksııalarmen jumys isteý tájirıbesi bar medısınalyq personal ǵana baılanysta bolady.

Elge jetkizilgen azamattardyń týǵan-týystary men jaqyndary habardar etildi jáne olar karantındik kezeńniń reglamentimen tanystyryldy.

Epıdemııaǵa qarsy is-sharalardyń kúsheıýi bastalǵannan beri monıtorıngpen 19 myńǵa jýyq adam qamtyldy, onyń 9,6 myńy qaýip tóndirmeıtin retinde monıtorıngten alyndy.

Klınıkalardan 39 adam shyǵarylǵannan keıin jiti respıratorlyq vırýstyq ınfeksııa belgilermen 41 emdeýden ótýde.

84 naýqas koronavırýsty anyqtaý úshin analız tapsyrdy, onyń 74-i teris nátıje, al 11-i tekserilýde.

Barlyq qajetti aqparatty 1406  nomeri boıynsha Call-sentrden surap bilýge bolady.

Azamattardy shynaıy emes aqparatty taratpaýǵa, resmı aqparat kózderine senýge shaqyramyn.

Búgingi tańda Qazaqstanda koronavırýstyq ınfeksııalar tirkelgen joq.

Osy jaǵdaı Densaýlyq saqtaý mınıstrliginiń erekshe baqylaýynda.

Medıa ókilderine, blogerlerge, buqaralyq aqparat quraldar ókilderine, qoǵam qaıratkerlerine qaýipsizdik maqsatynda, karantın obektisinde beıne nemese fotosemka ótkizýge, suhbat alýǵa qatań tyıym salynǵan. Túsinistikpen qaraýlaryńyzdy suraımyn. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir