• USD 468.56

  • EUR 497.56

  • RUB 7.3

  • CNY 67.18

29 Naýryz, 03:31:45
Almaty
+35°

23-24 qańtar kúnderi óziniń facebook-tegi paraqshasynda kóptegen daýly jazbalar qaldyrǵannan keıin únsiz ketken Aısultan Rahat áleýmettik jelidegi paraqshasyna jańa jazba jarııalady.

Ol túkke turǵysyz ómirinde eshkimge paıdasy tımegenine qaramastan ózine qoldaý bildirgenderge alǵysyn aıtty.

"Osy kúnge deıin qudaıdyń arqasynda tiri júrmin" degen ol óziniń qaıda ekenin málim etti.

"Qazir men aldyńǵy jazbalarymdy jazǵan jerdemin. Bul sizderdiń qoldaýlaryńyzdyń arqasy. Men 2016 jyldan beri otbasym men otbasyma jaqyn adamdardan qysym kórip kelem. Meniń taǵdyrǵa ókpem joq. Onyń meni bulaısha synap jatqanynan alǵys aıtam. О́ıtkeni men ony (qudaıdy - red) taptym. Men 14 aı boıy reseılik túrmede zańsyz otyrǵanda da, Londondaǵy polısııa ýchaskesinde bolǵanda da ol (qudaı - red) meniń júregimde boldy. Men jaqynda basymnan ótkenniń bárin tiptishtep aıtyp berem. Men únemi shyndyqty aıtatynymdy sizder bilesizder. Búgingi shyndyq óte muńly." dedi ol.

Onyń aıtýynsha, otbasyna jaqyn adamdar men olardyń jeksuryndary el  qazynasyn memlekettik tender arqyly saýýyn jalǵastyrady. Oǵan belgili bir dárejede qolda bar múmkindikti paıdalanyp ózgeris jasamaǵany úshin ózi de, maı qyzmetkerlerine para berý arqyly jemqorlyqtyń jaıylýyna sebep bolǵan ár azamat ta kináli. Al naǵyz uıatsyzdar joǵaryda otyr.

Aısultannyń jazýynsha, qandaıda bir orynǵa otyrý oıy joq.

"Men memlekettik bylyqtyń bólshegi bolǵym kelmeıdi. Al bólshegi bolyp jatsam, onda júıeni talqandaý úshin ǵana bolar edim. Júıeni syndyrý tipti meniń bıologııalyq ákemniń de qolynan kelmedi. Ol ony qatty qalady. Alaıda onyń aınalasyndaǵy keńes odaǵynda tárbıelengender, olardyń oılaý qabiletiniń shekteýli bolýy, ózgeristen qorqýy múmkindik bermedi" dep atap ótti Aısultan Rahat.

Ol adamdarda moraldyq qaǵıdalardyń qalmaǵanyn jazdy.

"Aldymen Nazarbaevtyń kúıeý balasyn tópeledi. Endi onyń týǵan qanyna da sondaıdy istemek. Tym kóp bilgeni úshin. Mundaıda shyndyqty aıtqysy kelgen qarapaıym azamattyń jaǵdaıy qandaı bolatynyn aıtýdyń ózi qıyn. Alaıda shyǵar amal árqashan da tabylady" degen ol ary qaraı din jaıly oılarymen bólisken.

"Qamshy" silteıdi
Ilmek sózder: Aısultan Rahat

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir