Koronovırýs Reseıge de jetti

31 qańtarda Reseıde eki adamnyń koronavırýs juqtyrǵany anyqtaldy. Bul týraly reseılik BAQ-tar habarlady.

Eldiń vıse-premeri Tatıana Golıkovanyń sózinshe, koronavırýsty juqtyrǵandar Tıýmen jáne Zabaıkalede tirkelgen. 

Buǵan deıin koronavırýsty juqtyrǵandar Qytaıdan bólek álemniń 20 elinde – Japonııa, Taıland, Sıngapýr, Avstralııa, Malaızııa, Koreıa, Fransııa, Germanııa, AQSh, Vetnam, BAÁ, Kanada, Italııa, Ulybrıtanııa, Úndistan, Shrı-Lanka, Nepal, Fılıppın, Kambodja, Fınlıandııada – tirkeldi. Biraq Qytaıdan tys jerlerde vırýstan kóz jumǵandar joq.

Qytaı bıliginiń 31 qańtardaǵy deregi boıynsha, koronavırýstan qaza bolǵandar sany 213 adamǵa jetken. 9692 adam vırýs juqtyryp, 102 myń adam vırýs juqtyrdy degen kúdikpen baqylaýǵa alynǵan.

30 qańtarda Dúnıejúzilik densaýlyq saqtaý uıymynyń bas dırektory Tedros Gebreıesýs koronovırýstyń taralýyna baılanysty halyqaralyq deńgeıde tótenshe jaǵdaı jarııalaǵan bolatyn.

31 qańtarda Qazaqstannyń densaýlyq saqtaý mınıstrligi elde koronovırýs kúdigimen 41 adam arýhanada jatqanyn habarlady. Mınıstrlitiń málimetinshe, elde koronovırýs juqtyrǵan adam áli anyqtalmaǵan, aýrýhanaǵa jetkizilgenderdiń analızderine saraptama jasalyp jatyr.