«Nur Otan» partııasy baspasóz qyzmeti

Bul týraly «Nur Otan» partııasy Tóraǵasynyń birinshi orynbasary Baýyrjan Baıbek Qazaqstan Respýblıkasynyń sybaılas jemqorlyqqa qarsy is-qımyl agenttiginiń alqa otyrysynda aıtty.

Partııa tóraǵasy Birinshi orynbasarynyń aıtýynsha, ortalyqta, sondaı-aq óńirlerde sybaılas jemqorlyqqa qarsy jumys júrgizýshilerge qoıylatyn talaptar bar. Olar  obektıvti, prınsıpshil jáne jaýapty bolýy tıis. Sondyqtan qazirgi kezde partııa tarapynan Sybaılas jemqorlyqqa qarsy is-qımyl jónindegi keńesterge kadrlardy tańdaýdyń tıimdi júıesi qurylýda. Sondaı ozyq tehnologııanyń biri retinde Baýyrjan Baıbek partııaishilik praımerız ótkizýdi atady. Bul tásil tek partııa janyndaǵy túrli keńesterge ǵana emes, partııa atynan aldaǵy saılaýlarǵa usynylatyn adal, isker, el senetin tulǵalardy da irikteýge óz septigin tıgizbek. 

– Barynsha bedeldi, belsendi jáne jarqyn tulǵalardy anyqtaý úshin, biz osy jyly partııanyń basqalarmen qatar sybaılas jemqorlyqqa qarsy is-qımyl boıynsha ózekti elektoratyn quraıtyn kandıdattardy tańdaý boıynsha partııaishilik praımerız ótkizetin bolamyz, – dedi Baýyrjan Baıbek.

«Nur Otan» partııasy tarapynan halyqpen keri baılanys arnalaryn ornatýǵa erekshe nazar aýdarylǵan. Búgingi kúni sybaılas jemqorlyqqa qarsy is-qımyl jónindegi respýblıkalyq jáne aımaqtyq keńesterdiń barlyq basshylary óz akkaýnttaryn ashyp, áleýmettik jelilerde belsendi jumys júrgizýde.

Osy maqsatta Keńesterdiń partııanyń Qoǵamdyq qabyldaý bólmelerimen ózara qarym-qatynasy uıymdastyrylǵan, sybaılas jemqorlyq máseleleri boıynsha jeke «jedel jeli» ashylyp, azamattardyń shaǵymdaryna áreket etýdiń naqty algorıtmi jasalǵan. Jedel jeli arqyly barlyq aryz-shaǵymdar keıinnen ózekti sybaılas jemqorlyq táýekelderin, onyń ishinde memlekettik organdardyń jumysyndaǵy táýekelderdi taldaý úshin tirkeledi.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir