«Nur Otan» partııasy baspasóz qyzmeti

Búgin «Nur Otan» partııasy Tóraǵasynyń birinshi orynbasary Baýyrjan Baıbek Qazaqstan Respýblıkasynyń sybaılas jemqorlyqqa qarsy is-qımyl agenttiginiń alqa otyrysyna qatysyp, onda «Nur Otan» partııasynyń qoǵamdaǵy sybaılas jemqorlyqqa nóldik tózbeýshilik qaǵıdattaryn iske asyrýdaǵy róli» taqyrybynda baıandama jasady. О́z sózinde Baýyrjan Baıbek bıylǵy naýryzda Elbasynyń qatysýymen partııa Saıası keńesiniń keńeıtilgen otyrysy ótkiziletinin aıtty.

Partııa tóraǵasy Birinshi orynbasarynyń sózine qaraǵanda, Saıası keńeste qaralatyn máselelerdiń biri retinde partııanyń sybaılas jemqorlyqqa qarsy is-qımyl jáne partııaishilik tártipti saqtaý boıynsha jumysy sóz bolmaq. Sondaı-aq sybaılas jemqorlyqqa qarsy is-qımyl jónindegi partııalyq baǵdarlamanyń birinshi kezeńin júzege asyrý qorytyndysy shyǵarylady.  

– Qazaqstan Respýblıkasynyń Tuńǵysh Prezıdenti – Elbasy, partııa Tóraǵasy Nursultan Ábishuly Nazarbaev atap ótkendeı, Qazaqstan 2050 damý strategııasynyń maqsattaryna memleket pen qoǵamnyń jemqorlyqqa qarsy birlesken kúresi arqyly qol jetkizýge bolady.

Sybaılas jemqorlyq – elimizdiń barlyq jetistikterine sebep bolǵan Táýelsizdigimizge nuqsan keltiretin basty faktorlardyń biri.

Memleket basshysy Qasym-Jomart Kemeluly Toqaev sybaılas jemqorlyqqa qarsy júıeli kúresti óziniń Saılaýaldy baǵdarlamasynyń basty baǵyty retinde aıqyndady.

Sondyqtan sybaılas jemqorlyqqa qarsy is-qımyl «Nur Otan» partııasy úshin basymdy baǵyttardyń biri bolyp tabylady  dedi Baýyrjan Baıbek.

a

Bıyl partııanyń Sybaılas jemqorlyqqa qarsy is-qımyl baǵdarlamasynyń 2025 jylǵa deıingi ekinshi kezeńin iske asyrý bastalady.

Partııa múddeli memlekettik organdarmen birlesip, qoǵamdyq baqylaýdy kúsheıtý, jergilikti ózin-ózi basqarý organdarynyń ókilettiligin keńeıtý, kvazımemlekettik sektorda sybaılas jemqorlyq quqyq buzýshylyqtar sýbektileriniń sheńberin keńeıtý jáne memlekettik qyzmetshilerdiń shyǵarmashylyq, sonymen birge basqa da aqyly jumysty iske asyrý tártibi boıynsha zań jobalaryn ázirleýdi kózdeıtin ekinshi kezeńniń Jol kartasyn jasaǵan.

Sondaı-aq, Jol kartasynda sybaılas jemqorlyqqa qarsy halyqaralyq reıtıngterde, sonyń ishinde «Transparency International» sybaılas jemqorlyqty túısiný ındeksinde, Dúnıejúzilik ekonomıkalyq forýmnyń Jahandyq básekege qabilettilik ındeksi reıtınginde Qazaqstannyń pozısııasyn jaqsartý boıynsha is-sharalar qarastyrylǵan.

"Qamshy" silteıdi
Ilmek sózder: Nurotan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir