О́tken jyly Qazaqstanda 1002 laýazym ıesi sottaldy. Bul týraly sybaılas jemqorlyqqa qarsy is-qımyl agenttiginiń 2019 jyldyń qorytyndysyna arnalǵan alqa májilisinde agenttik tóraǵasy Alık Shpekbaev málimdedi.

Shpekbaevtyń aıtýynsha, byltyr sheneýnikterge qatysty  sybaılas jemqorlyq táýekelderin joıý týraly 2 myńnan asa usynystar engizildi, 800-den asa uıymdastyrý sharalary qabyldandy, 63 normatıvtik-quqyqtyq aktige ózgertýler engizildi. Qylmystyq isterdi tergeý nátıjeleri boıynsha 3 myńǵa jýyq usynymdar engizilip, nátıjesinde 1175 laýazymdy tulǵa tártiptik jáne ákimshilik jaýapkershilikke tartyldy.

- Qylmystyq-quqyqtyq sharalar nátıjesine toqtalsaq, 1717 sybaılas jemqorlyq qylmysy tirkeldi, onyń jartysynan astamy paraqorlyq faktilerine tıesili. 1002 laýazym ıesi sottaldy. Adamdardyń keń shoǵyrynyń qatysýymen bolǵan júıelik jemqorlyq eń qaýipti bolyp tur. Esepti jylda osyndaı 112 fakti anyqtaldy. Keltirilgen shyǵyn somasy 24,6 mlrd teńgeni qurap, 22,7 mlrd teńgesi óteldi, - dedi Shpekbaev. 

Ol kvazımemlekettik sektorda 324 jemqorlyq qylmysy anyqtalǵanyn, 160 laýazymdy tulǵa sottalǵanyn jetkizdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir