30 Qańtar, 2020 NEWS

Qazaqstan koronavırýstan qorǵanýǵa 1,5 mıllıard teńge bóldi

kaztag.kz

Premer-mınıstrdiń orynbasary Berdibek Saparbaev, úkimet qorynan    koronavırýsqa qarsy qorǵaný zattaryn satyp alý úshin 1,5 mlrd teńge bólingenin málimdedi. 

 

"Keshe Úkimet qorǵanys zattaryn, betperde jáne basqa da qajetti zattardy alýǵa tapsyrma berdi. Qaýlyǵa qol qoıyldy. Úkimet qorynan qosymsha 1,5 mıllıard teńge bólindi. Sonymen qatar, burynǵy qor bar. Jalpy, jurtshylyqqa medısınalyq kómek qajet bolǵan jaǵdaıda bizde barlyq múmkindikter - zattar da qarajat ta bar", - dedi mınsıtr. 

Sondaı-aq, mınıstr betperdeniń jetispeýshiligi týraly áleýmettik jelide tarap jatqan aqparatty joqqa shyǵardy. Adamdar baıbalamǵa salynyp, kóptep satyp alyp jatyr. Biraq bizde medısınalyq betperdeler jetkilikti ekenin aıtty. Eger de dárihanalarda bolmaı jatsa, basshylyqqa aıtsa, sonda jetkizemiz dedi.

Dál qazirgi ýaqytta úkimet qazaqstandyq stýdentterdi elge qaıtarýǵa Qytaı Syrtqy ister mınıstrligimen tikeleı jumys istep jatqanynda aıta ketti. 

"680 týrısti elge jetkizý boıynsha, olardyń jartysy oraldy. Bizdiń esebimiz boıynsha, búgin-erteń barlyǵy Qazaqstanǵa kelýi tıis. Elge qaıtamyz degen stýdentter boıynsha, biz qazir ushaq daıyndap otyrmyz. Olarda Qytaıdyń Jańa jyl merekesin toılaýǵa baılanysty demalys bolyp jatyr. Qazirgi ýaqytta demalys merzimin uzartý máselesi qaralyp jatyr. Onyń qanshalyqty uzaratyny týraly, bizge Qytaı úkimeti habarlaıtyn bolady. Eń bastysy bizdiń Qytaı tarapymen kelisýimiz jáne biz sonyń aıasynda jumys isteımiz", - dedi Saparbaev. 

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir