Eńbek jáne halyqty áleýmettik qorǵaý mınıstri Birjan Nurymbetov  2023 jyly qazaqstandyqtardyń eń tómengi jalaqysy eldegi ortasha jalaqynyń 30%, ıaǵnı 70 myń teńgeden tómen bolmaıdy dep habarlady Tengrinews.kz

– Keıts ındeksi degen kórsetkish bar. Bul ortasha jalaqyǵa eń tómengi eńbekaqy mólsheriniń qatynasy. Bizde ol 23 paıyz bolyp tur, biz kóptegen elderden qalyp turmyz. Biz 2023 jyldyń basynda eń tómengi jalaqy sol kezdegi ortasha jalaqynyń 30 paıyzynan kem bolmaýy úshin qamdanyp jatyrmyz. Eger 2023 jyly ortasha jalaqy 224 myń teńge bolsa, eń tómengi jalaqy 70 myń teńgeden kem bolmaýy tıis, – dedi Nurymbetov.

Mınıstr eń tómengi jalaqyny kóterý máselesi qaralatynyn aıtty.

Mınıstrdiń aıtýynsha, elde 1,2 mln bıýdjettik qyzmetker bar, olardyń jalaqysy ár túrli ózgeredi.

– Al jeke sektorǵa qatysty aıtar bolsaq, ónerkásipte jumys ýaqytynyń jıyntyq esebi bar razrıadty koeffısıenti bar. О́ndiristik kásiporyndarda mınımaldy jalaqy – bul tarıftik mólsherlemeniń birinshi razrıady. Tarıftik mólsherlemeniń ekinshi, úshinshi jáne taǵy basqa razrıadtary bar. Jáne olar razrıad aralyq koeffısıentke baılanysty bolady. Sondyqtan eń tómengi jalaqyny kóterý basqa dárejelerdiń ósýine yqpal etip, bul jalpy eldegi jalaqynyń ósýine alyp keledi, – dedi ol.

Ilmek sózder: Jalaqy ósedi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir