Nazarbaev: Cýdıalar bilimdi, adal bolýy qajet

Qazaqstannyń burynǵy prezıdenti, Qaipsizdik keńesiniń tóraǵasy Nursultan Nazarbaev joǵary sot keńesiniń tóraǵasy Talǵat Donaqovty qabyldady. Bul týraly Elbasy.kz saıty habarlady. 

Saıttyń jazýynsha, kezdesý barysynda Nazarbaevqa eldegi sot júıesin reformalaý jáne ult josparyndaǵy sot kadrlaryn irikteý jáne daıyndaý boıynsha sharalardy júzege asyrý jóninde aqparattar aıtyldy. Al Nazarbaev Donaqovqa sýdıalar bilimdi, adal bolýy kerek ekenin aıtty. 

– Joǵary sot keńesi sot mamandaryn irikteýdi iske asyrady. Bul jumys obektıvti bolýy kerek. Sýdıalar naqty konkýrsqa sáıkes irikteýden ótýge tıis. Olar bilimdi, adal bolýy, adamdarmen jumys isteı bilýi qajet, – dedi burynǵy prezıdent.

Al Donaqov Nazarbaevqa sýdıalardy irikteýde ashyqtyqty qamtamasyz etý úshin qabyldanǵan sharalar týraly aıtyp berdi.

– Jaǵdaı ózgerip jatyr. Sýdıalarǵa degen senim artyp keledi. Jumys barynsha obektıvti jáne ashyq júrgizilýde. Arnaıy konkýrstyq komıssııa quryldy. Oǵan sýdıalarmen birge zań qaýymdastyǵy ókilderi, HR-mamandar, táýelsiz sarapshylar kirdi. Qazirgi tańda sottarǵa baratyn kadrlardyń daıyndyǵy joǵary, jaýapkershili mol, – dedi Joǵary sot keńesiniń tóraǵasy.