• USD 468.56

  • EUR 497.56

  • RUB 7.3

  • CNY 67.18

28 Naýryz, 22:39:14
Almaty
+35°

Qazaqstan syrtqy ister mınıstriniń birinshi orynbasary Shahrat Nuryshev pen eldiń ishiki ister mınıstri Erlan Turǵymbaev  AzattyqRadıosynyń jýrnalısi О́rken Joıamergenniń Aısultan Nazarbaev týraly qoıǵan suraǵyna jaýap bergen joq. Jýrnalıst "Qazaqstan azamaty Aısultan Nazarbaev ózine qáýip tónip turǵanyn aıtty..." dep suraǵyn qoıa bastaǵanda  Nuryshev "Bul suraqtyń maǵan qatysy joq" dep suraqqa jaýap berýden bas tartsa, Turǵymbaev "Habarym joq" dep qysqa qaıyrdy. 

Qazaqstannyń burynǵy prezıdenti Nursultan Nazarbaevtyń jıen nemeresi, Qazaqstan parlamenti senatynyń qazirgi spıkeri Darıǵa Nazarbaevanyń  uly Aısultan Nazarbaev ótken sársenbide "maǵan qaýip tónip tur" dep málimdegen.  Qazaqstandyq jýrnalısterge bergen suhbatynda Aısultan Nazarbaev ózine qaýip anasynan tónip turǵanyn, Nursultan Nazarbaev atasy emes, bıologııalyq ákesi ekenin aıtqan edi. Keıinnen Qazaqstan ulttyq qaýipsizdik komıtetiniń eks-tóraǵasy, syrttaı 10 jylǵa sottalyp qazir Venada turyp jatqan Álnur Musaev Aısultan Nazarbaevtyń DNK saraptamasyn jarııalaǵan bolatyn. Musaev jelige jarııalaǵan qujatta Aısultannyń ákesi Darıǵa Nazarbaevnyń burynǵy kúıeýi Rahat Álıev ekeni kórsetilgen. Al Nazarbaevtar otbasy bul jaıtqa qatysty eshqandaı resmı aqparat bergen joq. 

О́tken jyly qazannyń 18-i kúni London soty Aısultan Nazarbaevqa bir jyl shartty jaza kesti. Brıtanııalyq BAQ-tardyń jazýynsha, ol 2019 jyly maýsym aıynda brıtan polısııasyna qarsylyq kórsetkeni úshin jaýapqa tartylǵan. Nazarbaevtar otbasy Aısultannyń Ulybrıtanııada ustalǵany jáne sottalǵany jaıly eshqandaı málimdeme jasaǵan joq.

1990 jyly 26 tamyzda ómirge kelgen Aısultan Nazarbaev – Qazaqstandy 30 jylǵa jýyq úzdiksiz bılep, 2019 jyly naýryzda óz erkimen prezıdenttik qyzmetten ketken (biraq eldegi bıliktiń bir tarmaǵyn ustap otyrǵan)  Nursultan Nazarbaevtyń úlken qyzy Darıǵa Nazarbaeva men Avstrııa túrmeleriniń birinde kóz jumǵan qazaqstandyq sheneýnik Rahat Álıevtiń uly.

Qazaqstandyq aqparat quraldarynyń jazýynsha, Aısultan Nazarbaev bala kezden fýtbolǵa qyzyqqan. 2006 jyly Qazaqstannyń jasóspirimder quramasynyń sapynda Eýropa chempıonatynyń irikteý týrnırine qatysqan. "Chelsı" jáne "Portsmýt" jastar komandalary men qazaqstandyq "Astana" komandasynda oınaǵan.

Ol Ulybrıtanııa koroldiginiń "Sandherst" áskerı akademııasyn támamdaǵan. Aısultan oqýyn bitirip, Qazaqstanǵa oralǵan soń eldiń qorǵanys mınıstrliginiń barlaý basqarmasynda qyzmet etti. 2017 jyly 7 aıdaı Qazaqstan fýtbol federasııasynyń vıse-prezıdenti qyzmetin atqardy. 

Aısultan Nazarbaev 2013 jyly "QazRomGaz" AQ basshysy, almatylyq "Qaırat" fýtbol klýbynyń qojaıyny Qaırat Boranbaevtyń qyzy Alıma Boranbaevǵa úılendi. 2016 jyldyń jazynda olardyń Amelı esimdi qyzy dúnıege keldi.


"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir