Japon azamattary mingen alǵashqy ushaq Tokıoǵa kelip jetti, – dep habarlaıdy Qamshy.kz RIA Novostı-ge silteme jasap.

Ushaqtaǵy dárigerler dene temperatýrasyn tekseretin qurylǵylarmen jabdyqtalǵan. Aýrý belgileri bar-joǵyna qaramastan, arnaıy avtobýstardaǵy barlyq jolaýshylar taldaý jasaý úshin aýrýhanaǵa jiberildi. Tokıodaǵy Haneda áýejaıyna kelgen eki jolaýshy bul jaǵdaıǵa narazylyqtaryn bildirdi.

Aýstralııa premer-mınıstri Skott Morrıson Qytaıdyń Ýhan qalasynda bolǵan aýstralııalyqtar Rojdestvo aralyna jiberilip jatyr, olarǵa karantın jarııalanady, – dep habarlaıdy jergilikti 9News telearnasy.

– Biz sol jerde bolǵan aýstralııalyqtarmen jumys jasaımyz jáne oqshaýlanǵan adamdardyń jeke basyn anyqtaý prosesin júrgizýge tıispiz. Meniń basty mindetim –  aýstralııalyqtardyń qaýipsizdigi, – dedi premer-mınıstr.

Onyń sózinshe, Ýhannan kelgen aýstralııalyqtardyń aralda jańa koronavırýsty juqtyrmaǵany anyqtalǵanǵa deıin eki apta ketedi.

Aýstralııadaǵy eń iri Qantas Airways áýekompanııasy Ýhannan azamattardy evakýasııalaýǵa óz kómegin usynǵan.

2019 jylǵy 31 jeltoqsanda Qytaı bıligi Dúnıejúzilik densaýlyq saqtaý uıymyna eldiń ortalyq bóliginde ornalasqan Ýhan qalasynda belgisiz pnevmonııanyń órshýi týraly habarlady. Mamandar aýrýdyń qozdyrǵyshyn anyqtady, bul –  2019-nCoV koronavırýsy.

QHR memlekettik densaýlyq saqtaý komıtetiniń sońǵy málimetterine sáıkes, Qytaıda koronavırýstyń jańa túrinen týyndaǵan pnevmonııamen aýyratyn adamdardyń jalpy sany 5974 adamǵa jetse, olardyń 132-i qaıtys boldy.

Qurlyqtan tys jerlerde Gonkong, Makao, Taıvan, Taıland, Japonııa, Ońtústik Koreıa, AQSh, Kanada, Vetnam, Sıngapýr, Nepal, Fransııa, Avstralııa, Malaızııa jáne Germanııada ınfeksııa juqtyrǵandar tirkeldi.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir