Toqaev birqatar kadrlardy ózgertti

Búgin, 29 qańtarda Qazaqstan prezıdenti Qasym-Jomart Toqaev birqatar kadrlardy ózgertti. Bul týraly Aqorda saıty habarlady.

Prezıdent ókimimen Ermek Kósherbaev syrtqy ister mınıstriniń orynbasary qyzmetinen bosatylyp, Qazaqsatannyń Reseıdegi elshisi bolyp taǵaıyndaldy. Aqorda onyń burynǵy qyzmetine kim taǵaıyndalǵanyn áli habarlamady. 

Budan bólek Toqaevtyń jarlyǵymen Qazaqstannyń Malaızııadaǵy elshisi Bolat Imanbaev Qazaqstannyń Brýneı-Darýssalamdaǵy elshisi qyzmetin qosa atqaratyn boldy.

Al Qazaqstannyń Shveısarııadaǵy elshisi Álibek Baqaev Qazaqstannyń Lıhtenshteındegi, Vatıkandaǵy, Qasıetti Ierýsalım Ioanny, Rodos jáne Maltanyń egemendi áskerı gospıtalerleri ordeniniń janyndaǵy tótenshe jáne ókiletti elshisi qyzmetin qosa atqarýshy qyzmetine taǵaıyndaldy.