• USD 468.56

  • EUR 497.56

  • RUB 7.3

  • CNY 67.18

28 Naýryz, 14:05:06
Almaty
+35°

Búgin Qytaıdan kelgen taǵy 6 adam aýrýhanaǵa jatqyzyldy. Buǵan deıin aýrýhanaǵa túsken tórt adamnyń ekeýi úıine shyǵaryldy. Bul aqpartty búgin Nur-Sultan qalasynda baspasóz jıynyn ótkizgen Qazaqstanyń bas sanıtary Jandarbek Bekshın málimdedi. 

Jandarbek Bekshınniń sózinshe, tańerteń aýrýhanaǵa jetkizilgen 4 adamnyń ekeýi ambýlatorııalyq kómek kórsetilgen soń aýrýhanadan shyǵarylǵan. Al Almaty qalasynda 1, Aqmola oblysynda 5 adam  aýrýhanaǵa jatqyzylǵan.

– Olar osyǵan deıin Qytaıda bolǵan. Barlyǵynyń dıagnozy – JRVI (ORVI). 2 balanyń dene qyzýy kóterilgen. Otbasyndaǵy úlken adamdarda asa aýyr belgileri joq. Biraq olar bir-birimen baılanysta bolǵandyqtan aýrýhanaǵa jatqyzyldy, – dedi Jandarbek Bekshın.

Sondaı-aq ol  dárigerler 6 qańtardan keıin Qytaıdan Qazaqstanǵa kelgen azamattardy tekserip jatqanyn aıtty.

– Biz qazir 6 qańtardan keıin bizge kelgen sheteldik azamattardyń barlyǵyn anyqtap jatyrmyz. Barlyǵymen baılanystamyz, medısınalyq qyzmetkerlermen de sóılesip otyrmyz. 6 qańtardan keıin Qytaıdan kelgen barlyq azamat, ásirese sońǵy 14 kúnde kelgender jergilikti jerdegi emhanaǵa baryp, esepke turýyn jáne 14 kún boıy dárigerlerdiń baqylaýynda bolýyn suraımyz. Ásirese kimniń dene qyzýy kóterilse, emhanaǵa barýyn suraımyz, – dedi ol.

Sońǵy málimet boıynsha, Qytaıda tarala bastaǵan koronavırýsty juqtyrǵandar sany 4 myńnan asyp,  ólgender sany 106 adamǵa jetken. Vırýs juqtyrǵan adamdar Qytaıdan bólek taǵy 11 elde anyqtalǵan. Olardyń arasynda Germanııa, Shrı-Lanka,Malaızııa, Ońtústik Koreıa, Taıvan, Taıland, Kanada, Nepal, Vetnam, Saýd Arabııasy, Sıngapýr, Japonııa, AQSh, Fransııa, Avstralııa bar. Qytaıdan tys jerde koronovırýstan kóz jumǵandar joq.


"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir