28 Qańtar, 2020 NEWS
Aqmola oblysynda qar tazalaıtyn kólik órtendi (vıdeo)
Áleýmettik jelilerde qar tazalaýshy kóliktiń órtenip jatqan vıdeosy taralýda
vıdeodan skrınshot
О́rttiń shyǵýyna symdardyń qysqa tuıyqtalýy sebep bolǵan. Júk kóliginiń júrgizýshisi zardap shekken joq, dep habarlaıdy Qamshy.kz aqparat agenttigi Sputnik Qazaqstan deregin negizge alyp.
Áleýmettik jeli qoldanýshylary kólik borandy kúnderdegi úlken júktemege shydas bermegen bolýy múmkin dep topshylaýda.
Aqmola oblysy ishki ister departamenti baspasóz qyzmetiniń habarlaýynsha, oqıǵa 28 qańtar kúni túski ýaqytta Aqmola oblysy Shortandy aýdanynda Nur-Sultan – Petropavl tas jolynan 44 shaqyrym jerdegi Bozaıǵyr aýylynyń mańynda bolǵan.
Sýpra markaly kóliktiń «KazAvtoJol» ulttyq kompanııasyna tıesili ekendigi anyqtaldy.
Polısııa qyzmetkerleri júrgizgen tekserý qorytyndysy boıynsha kóliktiń órtenýine symdardyń qysqa tuıyqtalýy sebep bolǵan. О́rtten kóliktiń kabınasy men qozǵaltqyshyna zaqym kelgen.
39 jastaǵy kólik júrgizýshi din-aman.
Aıaýlym Shopan
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir