Mınıstr Qytaıdan kelgen qazaqstandyqtarǵa úndeý joldady

Densaýlyq saqtaý mınıstri Eljan Birtanov Qytaıdan jáne irgeles memleketterden kelgen qazaqstandyqtardan dárigermen baılanysyp, emhanaǵa qaralýdy surady,  dep habarlaıdy Qamshy.kz aqparat agenttigi. Bul týraly densaýlyq saqtaý mınıstri úkimettiń baspasóz konferensııasynda aıtty. 

"Sońǵy 14 kúnde Qytaı Halyq Respýblıkasynan jáne soǵan irgeles memleketterden kelgen qazaqstandyqtarǵa óziniń emhanasyna kelip ne habarlasyp, qandaı da bir aýrýǵa shaldyqqan bolsa óz dárigerine tirkeýge turý keregin aıtqym keledi. Bul sizderdiń qaýipsizdikterińiz úshin jasap otyrǵan shara, bizdiń medısınalyq mamandar baqylaý júrgizýi úshin. Densaýlyq nasharlaǵan jaǵdaıda, biz shara qoldanyp, sizdi jáne otbasyńyzdyń múshelerin qaýipsiz etýimiz kerek. Biz sizderge árdaıym habarlasa bere almaımyz", - dedi densaýlyq saqtaý mınıstri Eljan Birtanov.