28 Qańtar, 2020 NEWS

Qazaqstanda 200 teńgelik moneta aınalymǵa shyqty

forbes.kz

Qazaqstannyń ulttyq banki nomınaldyq quny 200 teńgelik  monetalardy aınalymǵa shyǵarylǵanyn habarlady.

Monetalardyń dızaıny Qazaqstan 2018 jylǵy 12 jeltoqsandaǵy № 804 Jarlyǵymen bekitilgen Ulttyq valıýta – Qazaqstan teńgesi banknottary men monetalary dızaınynyń tujyrymdamasyna sáıkes jasaldy.

Monetalardyń syrtqy saqınasy neızılberden jasalǵan, ishki dıski nıkeldi jezden daıyndalǵan. Qyry tegis jáne bederli sektorlarmen kezektesip otyratyn 16 oıyqpen bederlengen. Monetalardyń syrt jaǵyndaǵy ortalyq bóliginde Qazaqstanyń memlekettik Eltańbasy, al aınaldyra emıtent eldi bildiretin "QAZAQSTAN RESPÝBLIKASY" degen jazba beınelengen. Sondaı-aq, monetanyń tómengi jaǵynda jasalǵan jylyn bildiretin "2020" degen jazý bar.

 

Foto -

 

Monetalardyń bet jaǵynda ortalyq bóliginde nomınalyn bildiretin jáne nomınal sıfrynyń keskinin qaıtalaıtyn kóldeneń syzyqtar bederi aıasynda oryndalǵan "200"degen jazý bar.

Monetanyń joǵarǵy jáne tómengi bólikterinde – tik syzyqtar túrinde oryndalǵan oıý-órnek keskinderi bar. Monetanyń tómengi bóliginde – ulttyq valıýtanyń mátindik ataýyn bildiretin "TEŃGE" degen jazý. Monetanyń sol jaq bóliginde QAZAQSTAN ULTTYQ BANKI emıtent bankti bildiretin «QUB» abbrevıatýrasy bar. Monetanyń oń jaq bóliginde – Qazaqstan teńge saraıynyń taýar belgisi (logotıp).

 

 

Ilmek sózder: 200 teńgelik moneta

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir