Koronavırýstan qaıtys bolǵandar sany 106-ǵa jetti

Qytaıda koronavırýstyń jańa túri – pnevmonııamen aýyratyn naýqastardyń jalpy sany 4515 adamǵa jetti, olardyń 106-sy qaıtys boldy, dep habarlaıdy ria.ru.

Resmı aqparttarǵa súıensek, bir kún buryn juqpaly dertpen aýyratyndar sany 2744-ke jetken, onyń ishinde 80-i qaıtys boldy. Bir kúnde pnevmonııaǵa taǵy da 1771 adamnyń shaldyqqany anyqtalyp, 26 adam kóz jumǵan. 

Gonkongta ınfeksııaǵa shaldyǵýdyń 8 jaǵdaıy rastalǵan, Makaoda 7 jáne Taıvanda 5 jaǵdaı anyqtaldy. 

Aýrý oshaǵy – Hýbeı provınsııasynda qaıtys bolǵandar sany 106-ǵa jetse, onyń 100-inen vırýs tikeleı taralǵan. Qazirgi tańda 60-qa jýyq naýqas aýrýhanadan shyǵaryldy.

Vırýysty juqtyrǵan bolýy múmkin delingen 6973 adam, naýqastarmen tyǵyz baılanysta bolǵan 44132 adam baqylaýda tur.