27 Qańtar, 2020 Sport
Ashyq derekkózden
Fýtboldan Ispanııa chempıonatynyń 22-týrynan keıin Madrıdtiń "Realy" týrnır kestesinde kósh bastady. Buǵan deıin katalonııalyq "Barselonadan" qalyp kele jatqan madrıdtik klýb jeksenbi kúni 22 týrda syrt alańda "Valıadolıd" klýbyn 0-1 esebimen jeńip, Barselonadan úsh upaıǵa ozyp ketti. "Hose Sorrılıa" stadıonynda ótken oıyn tartysqa toly boldy. Alǵashqy taımda tablodaǵy esep ózgermegenimen, oıynnyń ekinshi jartysynda match tolyqtaı alań qonaqtarynyń basymdylyǵymen ótti. Real sapynan oıynnyń 78 mınýtynda qorǵaýshy Hose Ignasıo Nacho Tonı Kroostyń áýelete asyrǵan dobyna birinshi jetip, qarsylas qaqpasyn dál kózdedi. Nachonyń golynan keıin qos tarap alma kezek shabýyldaǵanymen, esep ózgerissiz qaldy.
Al 22 týrda Realdyń basty qarsylasy Barselona "Mestalıa" stadıonynda jergilikti "Valensııa" klýbymen kezdesip, 0-2 esebimen ese jiberdi. Katalonııalyq klýbtyń sońǵy oıyndaǵy sátsizdigi madrıdtik klýbtyń týrnır kestesinde alǵashqy orynǵa shyǵýyna óz septigin tıgizdi.
Fýtbol jankúıerlerin Ispanııa chempıonatynyń kezekti týrynda tartysqa toly derbı kútip tur. Alǵashqy oryndaǵy "Real Madrıd" taǵy bir madrıdtik ujym "Atletıkomen" oınaıdy. Al Realdyń basty qarsylasy "Barselonany" aldaǵy týrda "Levante" klýbymen oınamaq.
Daıyndaǵan: Ǵalymjan Tákin
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir