"Qosymsha jiger men áreket kerek": Toqaev BAÁ-ge saparynyń basty maqsatyn atady

Abý-Dabıdiń murager hanzadasy sheıh Muhammed ben Zaıd Ál Nahaıanmen kezdesý barysynda QR Prezıdenti Qasym-Jomart Toqaev osylaı dedi.

Bul týraly Qamshy.kz aqparat agenttigi QazAqparat deregin negiz ete otyryp habarlaıdy.

«Bul meniń Arab álemine Prezıdent retinde jasaǵan alǵashqy saparym. Iаǵnı, bul degenińiz Qazaqstan sizdiń memleketińizben yntymaqtastyqqa basa mańyz beretinin aıǵaqtaıdy», – dedi Qasym-Jomart Toqaev.

Sonymen qatar, Memleket basshysy eki el arasyndaǵy tabysty yntymaqtastyqty arqasynda úlken nátıjege qol jetkizgenin, qos tarap ara shynaıy dostyq, senim men ózara túsinistik bar ekenin dep atap ótken.

"Sol sebepti, bizdiń qarym-qatynasymyzdyń keleshegi zor degen oıdamyn. Meniń bul saparymnyń basty maqsaty – bizdiń memleketter arasyndaǵy yntymaqtastyqqa jańa serpin berý. Ýaqyt bir orynda turǵan joq. Sol úshin qosymsha jiger men áreket kerek. Sol sebepti, men bul sapar erekshe mańyzǵa ıe dep bilemin», - dedi Qazaqstan Prezıdenti.

Eske sala ketsek, memleket basshysy Qasym-Jomart Toqaev Birikken Arab Ámirlikterine resmı saparmen bardy.