Túrkistan jáne Almaty oblystaryndaǵy aýyl ákimderi para aldy degen kúdikke ilindi, dep habarlaıdy Qamshy.kz aqparat agenttigi jemqorlyqqa qarsy qyzmetiniń deregin negizge alyp. 

Sybaılas jemqorlyqqa qarsy qyzmet qańtarda elimizdiń birqatar óńirinde aýdan jáne aýyl ákimderine qatysty sotqa deıingi tergeý bastady.

Túrkistan oblysy Kentaý qalasy Eski Iqan aýyldyq okrýginiń ákimine qatysty sotqa deıingi tergeý júrgizilip jatyr. Oǵan jer ýchaskesiniń ahýaldyq shemasyna qol qoıǵany úshin jeke kásipkerden 2 mıllıon teńge para aldy degen aıyp taǵyldy. Buǵan deıin kelisilgen para somasy 4 mıllıon 150 myń teńge eken.

Ákim kinásin moıyndap, jedel tergeý júrgizýdi ótindi.

Sonymen qatar, Almaty oblysynda Ile aýdany Baıserke aýyldyq okrýginiń burynǵy ákimi men ákimdiktiń laýazymdy tulǵalary kúdikke ilindi. Jemqorlyqqa qarsy qyzmet olardyń Jańadáýir aýylyndaǵy 10 ga jer ýchaskesiniń nysanaly maqsatyn sharýa qojalyǵynan jeke qosalqy sharýashylyqqa zańsyz ózgertýge qatysy bar-joǵyn tekserip jatyr.

Al Talǵar aýdany Panfılov aýyldyq okrýginiń burynǵy ákimi shıpajaı, sý qorǵaý aımaqtary men ırrıgasııalyq jelilerde jer ýchaskelerin bólý kezinde qyzmettik ókilettigin teris paıdalandy dep aıyptalýda. 24 qańtarda kúdiktige qatysty qamaýda ustaý sharasy sanksııalandy.

Sotqa deıingi tergeý jalǵasyp jatyr.

Ilmek sózder: Qazaqstan para alý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir