Ashyq derekkóz
Qazaqstannyń bas sanıtar dárigeri Jandarbek Bekshın Almaty áýejaıyna buryn bortynda vırýs juqtyrǵan jolaýshy otyrǵan ushaqtyń qonýyna baılanysty pikir bildirdi.
"Bul reısten habarymyz bar. Onda vırýs juqtyrǵan jolaýshynyń bolǵany týraly aqparat joq. Halyqaralyq algorıtm boıynsha ushaq bizdiń áýejaıǵa qondy jáne bizdiń baqylaýymyzda boldy. Odan keıin ushaq sanıtarlyq qonýǵa jiberildi. Onda janarmaı toltyryldy, bul ushaqtyń birde-bir ekıpaj múshesi nemese jolaýshysy Qazaqstan aýmaǵyna kirgen joq" dedi Bekshın "Farmasııa" alańynda ótken baspasóz máslıhatynda.
Bekshınniń aıtýynsha, ushaq lıýkteri jabylyp, dezınfeksııa júrgizilgen.
"Biraq bul shamadan tys sharalar boldy. Eger ushaq 12 myń metr bıiktikte ushsa, mundaı tómen temperatýraǵa eshqandaı vırýs tótep bere almaıdy. Bizdiń azamattarmen esh baılanysymyz bolmady, bortqa eshkim kóterilgen joq" dedi ol.
Buǵan deıin Almaty qalasy ákimdiginiń baspasóz qyzmeti Almaty áýejaıyna "Stanbul – Ýhan – Stanbýl" baǵyty boıynsha ushyp bara jatqan ushaq aıaldap, janarmaı toltyrǵany habarlaǵan. Ákimdik habarlamasynda buryn ol ushaqtyń bortynda Qytaıda taralyp jatqan koronavırýs juqtyrǵan jolaýshy otyrǵany aıtylǵan edi.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir