• USD 468.56

  • EUR 497.56

  • RUB 7.3

  • CNY 67.18

29 Naýryz, 19:52:13
Almaty
+35°

Almaty áýejaıyna buryn bortynda Qytaıda taralyp jatqan kornovırýs juqtyrǵan jolaýshy otyrǵan ushaq qonyp, janarmaı toltyrǵan. Bul týraly Almaty qalasy ákimdiginiń baspasóz qyzmeti habarlady. 

Ákimdiktiń habarlaýynsha, janarmaı toltyrý kezinde ekıpaj músheleri men jolaýshylar ushaq ishinen evakýasııalanbaǵan. 

"25 qańtarda Almaty qalasynyń áýejaıynda "Stanbýl – Ýhan – Stanbýl" baǵyty boıynsha ushyp bara jatqan TCCJ charterlik reısi janarmaı toltyrý úshin aıaldady. Qolda bar aqparat boıynsha, buryn osy bortta koronavırýs juqtyrǵan jolaýshy bolǵan. Almaty ákimdigi áýe kemesine qosymsha kerosın quıý kezinde barlyq sanıtarlyq-karantındik baqylaýdyń kúsheıtilgen normalaryn saqtap, qajetti sharalardy qabyldady. Elimizdegi iri megapolıstiń aýmaǵynda koronavırýstyń taralýyna jol bermeý maqsatynda kerosın quıý operasııasy jolaýshylar men ekıpaj múshelerin evakýasııalaýsyz júzege asyryldy" delingen ákimdik habarlamasynda. 

Almaty ákimdiginiń habarlaýynsha, qalaǵa Qytaıdyń 5 qalasynan keletin reısteri eskerilip, qalalyq taýarlar men qyzmetterdiń qaýipsizdigin baqylaý komıteti departamenti jáne áýejaıdyń medısınalyq qyzmeti epıdemııaǵa qarsy sanıtarlyq-profılaktıkalyq sharalardy júzege asyryp jatyr. Buǵan qosa, barlyq joldarda, sonyń ishinde temirjol, avtomobıl joldarynda, Qytaımen shekaralas barlyq sanıtarlyq-karantındik pýnktterde termometrııa júrgizilýde. Almaty ákimdiginiń málimetinshe, qazirgi ýaqytqa deıin 13 myńnan astam jolaýshy tekseristen ótken. Olardyń eshqaısynan ınfeksııany juqtyrý oqıǵasy tirkelmegen. 

Qazaqstannyń densaýlyq saqtaý mınıstrligi elde Qytaıda tarala bastaǵan koronavırýstyq ınfeksııa tirkelmegenin resmı aıtty. 

25 qańtarda Qytaı vırýstan 41 adam kóz jumdy, 29 provınsııada keminde 1 287 adam vırýsty juqtyrǵan dep habarlady. 237 naýqastyń jaǵdaıy aýyr dep aıtylady. Hýbeı provınsııasynda – 39 adam, Hebeı provınsııasynda – bir adam, Heılýnszıanda - bir adam kóz jumǵan.

Qytaıda taralyp jatqan vırýs AQSh, Fransııa jáne Avstralııaǵa jetken. Biraq Qytaıdan tys jerde vırýsty juqtyrǵandar arasynda adam ólimi bolǵan joq.

О́tken jyldyń aıaǵynda Qytaıda belgisiz vırýs tarap jatqany aıtyla bastady. Koronovırýs dep atalǵan bul vırýs Qytaıdyń Ýhan jáne Hýangen qalalarynda kóptep taralǵan. Soǵan baılanysty Qytaı bıligi bul eki qalany japty. Ázirge pnevmonııaǵa uqsas dertke shaldyqtyratyn vırýstyń qaıdan shyǵyp jatqany belgisiz. 

23 qańtarda Dúnıejúzilik densaýlyq saqtaý uıymy (DDSU) Qytaıda ınfeksııanyń taralýyna baılanysty densaýlyq saqtaý salasynda tótenshe jaǵdaı jarııalaýdan bas tartty. DDSU-nyń basshysy Tedros Adzhnom Gebreıesýstyń aıtýynsha, mundaı sheshim qabyldaý úshin áli kóp derek jınaqtalýy tıis. 




"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir