25 Qańtar, 2020 Oqıǵalar
Ashyq derekkózden
Túrkııanyń Elıazyg provınsııasyndaǵy joıqyn jer silkinisinen qazaqstandyqtar zardap shekken joq. Bul týraly Qazaqstannyń syrtqy ister mınıstrliginiń resmı ókili Aıbek Smadııarov málimdedi.
"Túrkııa tarapynyń aldyn ala málimeti boıynsha, jer silkinisinen zardap shekkender arasynda qazaqstandyqtar joq" dep jazdy Smadııarov Telegram kanalynda.
24 qańtarda Túrkııanyń shyǵysyndaǵy Elıazyg provınsııasynda qatty jer silkinip, keminde 18 adam qaza bolyp, júzdegen adam jaraqattanǵany habarlandy. Jer silkinisiniń saldaryna turǵyn úıler men ǵımarattar qıraǵan. Sońǵy málimet boıynsha, kóz jumǵandar sany 22-ge jetken. Túrkııa ishki ister mınıstri Sýleıman Soılý Malatıa túrik provınsııasynda 4 adam, Elıazyg provınsııasynda 18 adam kóz jumǵanyn aıtty. Soılýdyń málimetinshe, 39 adam úıindi astynan shyǵaryldy.
Túrkııanyń tótenshe jaǵdaı agenttiginiń habarlaýynsha, 6,8 magnıtýdaly jer silkinisiniń epısentr oshaǵy Sıvrıdj qalasyna jaqyn mańda ornalasqan. Odan bólek, kórshi provınsııalarda, Iran, Sırııa, Lıvanda jer terbelisi sezilgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir