Prezıdent Qasym-Jomart Toqaev oblystardaǵy barlyq ákimderge barlyq mektepter men balabaqshalarǵa beınekameralar ornatýdy jáne yńǵaıly jaǵdaı jasaýdy tapsyrdy, dep jazady Qamshy.kz aqparat agenttigi. Bul týraly Toqaev úkimettiń keńeıtilgen otyrysynda aıtty. 

Prezıdent negizgi mindetterdiń biri balalardy qorǵaý, olardyń óz-ózine qol jumsaýynyń jáne olarǵa qatysty zorlyq-zombylyqtyń kóbeıýine baılanysty máselelerdi sheshý kerek ekenin aıtty. 

Toqaev mektepter men balabaqshalarǵa beınekameralar ornatýdy tezdetýdi mindettedi - ol muny Qazaqstan oblystarynyń basshylaryna tapsyrdy. Al ákimder tapsyrmany 2020 jyldyń sońyna deıin oryndaýy kerek.

"Taraz qalasynda bolǵan jaıt masqara", - dedi prezıdent. 

Eske salsaq, Taraz qalasynda 2019 jyldyń qarasha aıynda 7 synyp oqýshysyn úzilis kezinde mektep ájethanasynda zorlap ketken. 

24 qańtarda zorlaýshyǵa úkim shyǵaryldy. Sot quqyq buzýshyny 25 jylǵa bas bostandyǵynan aıyrýǵa, hımııalyq kastrasııa prosedýrasyn qoldanýǵa úkim shyǵardy. Sonymen birge pedofılge zardap shekken tarapqa moraldyq zııan úshin ótemaqy tóleýdi mindettedi. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir