«Bek Air» ushaǵynan zardap shekkender Toqaevqa hat joldaýda

Qazaqstan prezıdenti Qasym-Jomart Toqaev «Bek Air» ushaǵy apatynan zardap shekkenderden ózine hattar túsip jatqanyn aıtty, dep jazady Qamshy.kz aqparat agenttigi Qazaqparattyń deregin negizge alyp.

«Jaqynda elimizde áýe apaty bolǵanyn barlyǵy biledi. Maǵan osyǵan baılanysty zardap shekkenderden áli de hattar túsip jatyr. Aıtýlarynsha, olar áli aqshalaı ótemaqyny ala almaı jatqan kórinedi. Jumysqa jaramsyz jaǵdaıda qalǵandary, aýrýhanada jatqandary bar. Osyǵan baılanysty qandaı sharalar atqarylyp jatyr», - dep memleket basshysy Úkimettiń keńeıtilgen otyrysynda Premer-Mınıstrdiń orynbasary Roman Sklıarǵa qarata aıtty.

О́z kezeginde Roman Sklıar kóz jumǵandardyń otbasylaryna 4 mıllıon teńgeden kómek kórsetilgenin jetkizdi. Sonymen birge, ushaqta bolǵandardyń bári de saqtandyrý kompanııasy arqyly tıisti kómekter berilmek.

«Jýyq arada tólemder júrgiziledi. Qajetti qujattardyń bári resimdeldi», - dedi ol.

О́z kezeginde Prezıdent «aman qalǵan, biraq zardap shegip, jumysqa jaramsyz bolyp qalǵan adamdardyń jaıy ne boldy?» dep surady.

«Jalpy, 52 adam zardap shekken bolatyn. Olarǵa jergilikti atqarýshy organdar men Eńbek jáne halyqty áleýmettik qorǵaý mınıstrligi kómek kórsetedi», - dedi Roman Sklıar.

Prezıdent óz sózinde bul baǵyttaǵy jumysty jedeldetýdi tapsyrdy.

Eske sala keteıik, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekıpaj múshesi mingen ushaq apatqa ushyraǵan bolatyn. 12 adam qaza tapty. Keıin Almaty áýejaıy «Bek Air» ushaǵynyń qulaý ýaqytynyń hronologııasyn jarııalady.