Toqaev: Kredıtti tóleı alatyn adamǵa berý kerek

Memleket basshysy Qasym-Jomart Toqaev Qazaqstannyń qarjy júıesi qazaqstandyqtar kóptep nesıe alatyndyqtan dimkás ekenin málimdedi, dep habarlaıdy Qamshy.kz aqparat agenttigi. 

"Basty tendensııa - el ekonomıkasy damýyndaǵy bank sektorynyń róli keri áserin tıgizip jatyr, ıaǵnı, jyl saıyn tómendep jatyr. Korporatıvtik sektordy nesıeleý 8,7 paıyzǵa, shaǵyn jáne orta bıznesti - 18 paıyzǵa, al aýyl sharýashylyǵyn nesıeleý - 48 paıyzǵa tómendegen. Bul qarqyndy, dálirek aıtqanda, halyqty tutynýshylyq nesıeleýdiń 24 paıyzǵa ósýine baılanysty bolyp otyr. Odan bólek, nesıeniń úshten eki bóligi jeke tulǵalarǵa salyqsyz berilgen. Byltyr qıyn jaǵdaıǵa tap bolǵan jarty mıllıonǵa jýyq qazaqstandyqtyń qaryzy jabyldy. 1,2 mıllıonǵa jýyq azamattyń tutynýshylyq nesıeleri boıynsha aıyppuldary men ósimpuldardy esepten shyǵaryldy. Kredıtti tóleı alatyn adamǵa berý kerek. Bizde jeke tulǵalarǵa beriletin nesıe 1,4 trıllıon teńgege ósip, jalpy 6,7 trıllıon teńge bolǵan. Onyń ózi qaıtaryla ma, joq pa belgisiz", - dedi prezıdent úkimettiń keńeıtilgen otyrysynda.