Sheteldik kólikterge "rastamojka" jasaýǵa bir jyl ýaqyt berildi

Memleket basshysy Qasym-Jomart Toqaev Qazaqstannyń zańnamasyna saı kelmeıtin sheteldik kólikterdi elge kirgizbeýdi tapsyrdy, dep habarlaıdy QazAqparat.

– Bizdiń azamattar Reseı men Qyrǵyzstannan senimhat arqyly kólikterdi satyp ala beredi. Keıin sol kólikterin bizdiń elde tirkemeı, aıdap júredi. О́z azamattarymyz Qazaqstannyń zańnamasyn buza otyryp, tehnıkalyq qujattardy resimdeıdi. Elge kirgizilip jatqan ondaı kólikterdiń kóbi esepke tirkelmeıdi. Olardyń sany on myńdaǵan sannan asyp ketedi. Osy sebepti, Bas prokýratýraǵa qalyptasqan jaǵdaıǵa quqyqtyq baǵa berýdi tapsyramyn, – dedi Prezıdent Úkimettiń keńeıtilgen otyrysynda.

Memleket basshysy Úkimetke bir aıdyń ishinde Qazaqstan azamattarynyń EAEO elderinen 2020 jyldyń 1 aqpanyna deıin ákelgen kólikterin tirketýdi tapsyrdy.

– Bul kólikterdiń tirkelýi 2021 jyldyń 1 naýryzyna deıin kúshinde bolady. Mundaı kólikter tehnıkalyq reglamenttiń talaptaryna saı bolýy kerek. Sondaı-aq, tirkeý somasy men memlekettik bajdy tóleýi tıis. Ýaqytsha tirkeý bir qoldan ekinshi qolǵa satylyp baryp, jasalmaýy tıis. 2021 jyldyń 1 naýryzyna deıin avtokólik ıeleri kólikterin turaqty tártipte tirkep, kedendik baj ben ýtılızasııalyq somany tóleýi tıis. Bolmasa ol kólikti elden shyǵarýy nemese zańnamamen tyıym salynbaıtyn basqa da amalmen máselesin retteýi qajet. Úkimetke Qazaqstannyń zańnamasyna qaıshy keletin kólikterdi budan ary kirgizbeýdi jáne paıdalanýǵa shekteý qoıý sharalaryn qolǵa alýdy tapsyramyn», – dedi Memleket basshysy.

Prezıdent bul jerde otandyq múdde basty nazarǵa alynýy kerektigin tapsyrdy.