О́tken jyly 500-den astam sheteldik jumysshy eline qaıtaryldy. Bul týraly Úkimettiń keńeıtilgen otyrysynda QR Premer-Mınıstriniń orynbasary Berdibek Saparbaev aıtty, dep habarlaıdy inform.kz.

– Jalpy belsendi jumys atqarylyp jatyr. Bul kórinip tur. Biraq, suraǵym bar. Sheteldik jáne jergilikti jumyskerlerge jalaqy tóleý jóninde teńsizdikke jol bermeý kerek. Bul – anyq másele. Osy jumystyń nátıjesi qandaı? Nátıjeler qazir bar ma, joq pa?, – dep surady Memleket basshysy áleýmettik damý jáne eńbekpen qamtý jóninde baıandaǵan QR premer-mınıstriniń orynbasary Berdibek Saparbaevtan.

Úkimet basshysy orynbasarynyń aıtýynsha, búgingi tańda Qazaqstanda 2010-ǵa jýyq kásiporynda sheteldik azamattar jumys isteıdi. Olarda eńbek etetin qazaqstandyqtardyń úlesi 90 paıyzdy quraıdy.

– Sizdiń tapsyrmańyzǵa sáıkes, Eńbek mınıstrligi, Bas prokýratýra jergilikti bılik ókilderimen birigip, 3 myńnan astam sheteldik jumys isteıtin 96 kásiporyndy tekserdi. Sonyń nátıjesinde myńǵa jýyq zań buzýshylyq anyqtaldy. Bas prokýratýranyń kómegimen 500-den astam sheteldik eline qaıtaryldy. 470 eńbek sharty buzyldy, – dedi ol.

B.Saparbaevtyń aıtýynsha, bıyl byltyrǵy jylmen salystyrǵanda sheteldik jumysshylar kvotasy 40 paıyzǵa qysqartyldy. Iаǵnı, byltyr 49 myńǵa jýyq sheteldik azamat qazaqstandyq kásiporyndarǵa jumysqa tartylsa, bıyl olardyń sany 29 myńǵa deıin tómendetildi.

Al osydan 5 jyl buryn elimizde jumys isteıtin sheteldikterdiń sany 100 myńǵa jýyq bolatyn.

– Oǵan qosymsha biz qazirgi qoldanystaǵy zańnamaǵa ózgerister daıyndap, Parlamentke berdik. Kásiporyndarǵa shetelden maman tartatyn bolsa, keminde 2-3 jyldyń ishinde solardyń ornyna jumys isteıtin qazaqstandyq maman daıyndaý qajettigin eskerttik, – dedi Úkimet basshysynyń orynbasary.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir